30.08.24 н.ст. / 17.08.24 ст.ст.

Слу́жба Погребе́ния Бо́жией Ма́тери

 

Богослужебное последование размещено на сайте

Последование Богослужений наряду https://Последование.РФ

Телеграм-канал сайта: https://t.mе/pоslеdоvаniе

Телеграм-чат сайта: https://t.mе/ChаtPоslеdоvаniе

Канал на Яндекс-Дзен: https://dzеn.ru/pоslеdоvаniе

Группа сайта во ВКонтакте: https://vk.cоm/pоslеdоvаniе

Служба Погребения Божией Матери представляет собой всенощное бдение, состоящее из великой вечерни со входом и литией, утрени с пением непорочных и похвал Пресвятой Богородицы и 1-го часа.

                     Совершение службы Погребения Божией Матери является благочестивым обычаем, принятым литургической жизнью Церкви. В современной редакции действующего в Русской Церкви Типикона самого чинопоследования и необходимых уставных указаний нет. Впрочем, умолчание Типикона об этой службе не полагает серьезных препятствий к ее совершению.

                     Если выноса Плащаницы не было в сам день Успения: до всенощного бдения Плащаница с изображением Успения Божией Матери с подобающим благоговением полагается на престол, перед престолом ставится выносной свещник с возжженной свечой. Совершается каждение окрест престола и Плащаницы. (Богослужебные указания. Также см. остальные примечания по этой ссылке: http://www.patriarchia.ru/bu/2024-08-30)

 

ВСЕНО́ЩНОЕ БДЕ́НИЕ

Вели́кая Вече́рня

Диакон:   Воста́ните!

Хор:     Благослови́.

Иерей:     Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.

Хор:     Ами́нь.

 

Священнослужители в алтаре:

                 Прииди́те, поклони́мся Царе́ви на́шему Бо́гу.

                 Прииди́те, поклони́мся и припаде́м Христу́ Царе́ви на́шему Бо́гу.

                 Прииди́те, поклони́мся и припаде́м Самому́ Христу́, Царе́ви и Бо́гу на́шему.

                 Прииди́те, поклони́мся и припаде́м Ему́.

 

Псало́м 103, предначина́тельный:

Хор:     Благослови́, душе́ моя́, Го́спода./ Благослове́н еси́, Го́споди./ Го́споди, Бо́же мой, возвели́чился еси́ зело́./ Благослове́н еси́, Го́споди./ … / Вся прему́дростию сотвори́л еси́./ Сла́ва Ти, Го́споди, сотвори́вшему вся.

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

 

Вели́кая ектения́:

Диакон:   Ми́ром Го́споду помо́лимся.

Хор:     Го́споди, поми́луй. (На каждое прошение)

Диакон:   О Свы́шнем ми́ре и спасе́нии душ на́ших, Го́споду помо́лимся.

                 О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

                     О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                 О вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

                 О Богохрани́мей стране́ на́шей, власте́х и во́инстве ея́, Го́споду помо́лимся.

                 О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.

                 О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

                     О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.

                 О изба́витися нам от вся́кия ско́рби, гне́ва и ну́жды, Го́споду помо́лимся.

                 Заступи́, спаси́, поми́луй и сохрани́ нас, Бо́же, Твое́ю благода́тию.

                 Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

 

Иерей:     Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

Блаже́н муж:

Хор:     Блаже́н муж, и́же не и́де на сове́т нечести́вых.

           Аллилу́иа, аллилу́иа, аллилу́иа.

              Я́ко весть Госпо́дь путь пра́ведных, и путь нечести́вых поги́бнет.

           Аллилу́иа, аллилу́иа, аллилу́иа.

              Рабо́тайте Го́сподеви со стра́хом и ра́дуйтеся Ему́ с тре́петом.

           Аллилу́иа, аллилу́иа, аллилу́иа.

              Блаже́ни вси наде́ющиися Нань.

           Аллилу́иа, аллилу́иа, аллилу́иа.

              Воскресни́, Го́споди, спаси́ мя, Бо́же мой.

           Аллилу́иа, аллилу́иа, аллилу́иа.

              Госпо́дне есть спасе́ние, и на лю́дех Твои́х благослове́ние Твое́.

           Аллилу́иа, аллилу́иа, аллилу́иа.

              Сла́ва Отцу́ и Сы́ну и Свято́му Ду́ху.

           Аллилу́иа, аллилу́иа, аллилу́иа.

              И ны́не и при́сно и во ве́ки веко́в. Ами́нь.

           Аллилу́иа, аллилу́иа, аллилу́иа.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:     Ами́нь.

Го́споди, воззва́х, глас 1:

Хор:     Го́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.

              Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.

                     Стихиры Успения, глас 1:

На 8. Стих:        Из глубины́ воззва́х к Тебе́, Го́споди,// Го́споди, услы́ши глас мой.

Стихира:  О, ди́вное чу́до!/ Исто́чник Жи́зни/ во гро́бе полага́ется,/ и ле́ствица к Небеси́ гроб быва́ет./ Весели́ся, Гефсима́ние,/ Богоро́дичен святы́й до́ме./ Возопие́м, ве́рнии,/ Гаврии́ла иму́ще чинонача́льника:/ Благода́тная, ра́дуйся,/ с Тобо́ю Госпо́дь,// подая́й ми́рови Тобо́ю ве́лию ми́лость.

 

Стих:        Да бу́дут у́ши Твои́// вне́млюще гла́су моле́ния моего́.

Стихира:  Ди́вны Твоя́ та́йны, Богоро́дице:/ Вы́шняго престо́л/ яви́лася еси́, Влады́чице,/ и от земли́ к Небеси́ преста́вилася еси́ днесь./ Сла́ва Твоя́ боголе́пная,/ богоподо́бными сия́ющи чудесы́./ Де́вы с Ма́терию Царе́вою,/ на высоту́ вознеси́теся./ Благода́тная, ра́дуйся,/ с Тобо́ю Госпо́дь,// подая́й ми́рови Тобо́ю ве́лию ми́лость.

 

На 6. Стих:        А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние есть.

Стихира:           Твое́ сла́вят успе́ние/ Вла́сти и Престо́ли,/ Нача́ла и Госпо́дства,/ Си́лы и Херуви́ми и стра́шнии Серафи́ми,/ ра́дуются земноро́днии,/ о Боже́ственней Твое́й сла́ве крася́щеся,/ припа́дают лю́дие со Арха́нгелы и А́нгелы и воспева́ют:/ Благода́тная, ра́дуйся,/ с Тобо́ю Госпо́дь,// подая́й ми́рови Тобо́ю ве́лию ми́лость.

 

                     Стихира Иерусалимского последования, глас 6:

Стих:      И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода.

Стихира:  Дне́шний день та́йно/ вели́кий псалмопе́вец прообразова́ше, глаго́ля:/ воскресни́, Го́споди, в поко́й Твой,/ Ты и Киво́т святы́ни Твоея́./ И па́ки: предста́, глаго́ля, Цари́ца одесну́ю Тебе́,/ ря́сны златы́ми оде́яна, преиспещре́на./ Сия́ бо есть благослове́нная суббо́та,/ сей есть упокое́ния Боже́ственный де́нь,/ в о́ньже почи́ от живота́ Ма́ти су́щи Живота́,/ смотре́нием е́же на сме́рть,/ пло́тию суббо́тствовавшая и преста́вльшаяся,/ и на Небеса́ возше́дшая/ си́лою И́же из Нея́ вопло́щшагося Христа́ Бо́га,/ и с Ним во ве́ки веко́в ве́чнующая,/ и да́рующая нам живо́т ве́чный,// с любо́вию чту́щим свято́е Ея́ успе́ние.

 

                     Стихиры Иерусалимского последования, глас 2, подобен: «Егда́ от Дре́ва Тя ме́ртва»:

На 4. Стих:        От стра́жи у́тренния до но́щи, от стра́жи у́тренния,// да упова́ет Изра́иль на Го́спода.

Стихира:  Егда́ от ми́ра, Жи́знь су́щи,/ ро́ждшая Жи́знь вся́ческих, Сы́на Бо́жия во пло́ти,/ взе́млема была́ еси́,/ восходя́щи во вхо́ды боже́ственныя, Небе́сныя, Чи́стая,/ тогда́ чу́до сбы́сться,/ е́же возгласи́ Дух Святы́й:/ кто Сия́, ны́не восходя́щая от пусты́ни?/ Вся же со стра́хом вопия́ху:// сла́ва восхожде́нию Твоему́, Любоблага́я.

 

Стих:      Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний его́.

Стихира:          Егда́ во гро́бе, Мариа́м,/ в Гефсима́нии положи́лася еси́ пло́тию,/ естества́ Оживотвори́тельнице,/ тогда́ вся тва́рь, зря́щи Тя, ужасе́ся;/ Творе́ц же дух Твой, ру́це распросте́р,/ благода́тне прия́т, я́ко должни́к Сын./ Е́же Безпло́тных чи́ни зря́ще,/ со стра́хом вопия́ху:// сла́ва восхожде́нию Твоему́, Любоблага́я.

 

На 2. Стих:        Хвали́те Го́спода вси язы́цы,// похвали́те Его́ вси лю́дие.

Стихира:           Егда́ трие́ свяще́нницы,/ Ареопаги́т о́ный и Иерофе́й с Диони́сием,/ Твое́ боже́ственное уви́деша, Всенетле́нная, успе́ние,/ тогда́, сле́зы точа́ще, глаго́лют си́це:/ ка́ко стерпи́м страда́ние в ми́ре?/ В Тебе́ бо, о Де́во,// Сы́на Твоего́ мне́хом зре́ти и утеша́хомся.

 

                     Стихира Иерусалимского последования, глас 5:

Стих:       Я́ко утверди́ся ми́лость Его́ на нас,// и и́стина Госпо́дня пребыва́ет во век.

Стихира:           Тебе́, оде́ющуюся све́том, я́ко ри́зою,/ Сы́на Бо́жия ро́ждшую,/ лик учени́к Его́ ви́дев ме́ртву,/ во гро́бе, мра́ка испо́лненном, просте́рту,/ благосе́рдный плач восприи́м, рыда́я, глаго́лаше:/ увы́ мне, сладча́йшая Мариа́м,/ Ю́же вма́ле име́х утеше́ние/ и, ви́дя Тебе́, мнех Учи́теля моего́ зре́ти,/ но се ны́не ви́жду Тя по зако́ну естества́ подъе́мшу сме́рть./ О, ка́ко Тя погребу́, Де́во,/ или́ ка́ко плащани́цами обвию́?/ Ки́има же рука́ма прикосну́ся нетле́нному Твоему́ те́лу?/ Или́ ки́я пе́сни воспою́, Твоему́ исхо́ду досто́йныя?/ Ка́ко же стерплю́, Госпоже́, Твое́, ско́рбное ми, отше́ствие?/ Или́ ка́ко безтру́дно понесу́ всетя́жкое сиротство́?/ Недоумева́ю, блаже́нная Богоро́дице Мари́е,/ и боле́зненным се́рдцем соплета́ю песнопе́ния,/ и велича́ю Тя, Влады́чице,/ песносло́влю зача́тие Твое́,/ почита́ю Твое́ боже́ственное рождество́,/ чту восхожде́ние Твое́, Де́во./ Ублажа́ю же успе́ние Твое́/ и всесвято́е погребе́ние Твое́ со преставле́нием, зовы́й:// Го́споди, сла́ва Тебе́.

 

                     Стихира Успения, глас 1:

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Стихира:          Богонача́льным манове́нием,/ отвсю́ду Богоно́снии апо́столи,/ о́блаки высо́це взима́еми,/ доше́дше пречи́стаго и живонача́льнаго Твоего́ те́ла,/ любе́зно лобыза́ху./ Превы́шния же Небе́сныя си́лы,/ с свои́м Влады́кою прише́дше,/ богоприя́тное и пречи́стое те́ло предсыла́юще,/ у́жасом одержи́ми;/ прекра́сно же предыдя́ху/ и неви́димо вопия́ху превы́шним чинонача́лием:/ се Всецари́ца Богоотрокови́ца прии́де./ Возьми́те врата́ и Сию́ преми́рно подыми́те,/ Присносу́щнаго Ма́терь Све́та,/ Тоя́ бо ра́ди всеро́дное челове́ком спасе́ние бысть./ На Ню́же взира́ти не мо́жем,/ и Той досто́йную честь возда́ти немо́щно:/ Тоя́ бо преизя́щное прехо́дит всяк ум./ Те́мже, Пречи́стая Богоро́дице,/ при́сно с Живоно́сным Царе́м и Рождество́м живу́щи,/ моли́ся вы́ну сохрани́ти и спасти́/ от вся́каго прило́га проти́внаго/ но́выя лю́ди Твоя́:/ Твое́ бо предста́тельство стяжа́хом,// во ве́ки светоявле́нно блажа́ще.

 

Вход с кади́лом:

Диакон:   Прему́дрость, про́сти.

 

Све́те Ти́хий:

Хор:       Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.

 

Диакон:   Во́нмем.

Иерей:     Мир всем.

Хор:     И ду́хови твоему́.

 

Проки́мен слу́жбы Погребе́ния, глас 2:

Диакон:   Прему́дрость во́нмем. Проки́мен, глас вторы́й: Воскресни́, Го́споди, в поко́й Твой,/ Ты и Киво́т святы́ни Твоея́.

Хор:     Воскресни́, Го́споди, в поко́й Твой,/ Ты и Киво́т святы́ни Твоея́.

Стих:       Кля́тся Госпо́дь Дави́ду и́стиною и не отве́ржется ея́.

Хор:     Воскресни́, Го́споди, в поко́й Твой,/ Ты и Киво́т святы́ни Твоея́.

Диакон:   Воскресни́, Го́споди, в поко́й Твой

Хор:     Ты и Киво́т святы́ни Твоея́.

 

Пареми́и Успе́ния Богоро́дицы:

Диакон:   Прему́дрость.

Чтец:    Бытия́ чте́ние.

Диакон:   Во́нмем.

                (Из главы 28:)

Чтец:    Изы́де Иа́ков от студенца́ кля́твеннаго/ и и́де в Харра́нь./ И обре́те ме́сто, и спа та́мо,/ за́йде бо со́лнце,/ и взят от ка́мения ме́ста того́, и положи́ возгла́вие себе́,/ и спа на ме́сте о́ном, и сон ви́де./ И се ле́ствица, утвержде́на на земли́,/ ея́же глава́ досяза́ше до Небе́с,/ и А́нгели Бо́жии восхожда́ху и низхожда́ху по ней./ Госпо́дь же утвержда́шеся на ней и рече́:/ Аз Бог Авраа́мов, отца́ твоего́,/ и Бог Исаа́ков, не бо́йся./ Земля́, иде́же ты спи́ши на ней,/ тебе́ дам ю и се́мени твоему́./ И бу́дет се́мя твое́, я́ко песо́к земны́й,/ и распространи́тся на мо́ре, и ли́ву, и се́вер, и на восто́ки,/ и возблагословя́тся о тебе́ вся коле́на земна́я и о се́мени твое́м./ И се Аз с тобо́ю, сохраня́яй тя на вся́ком пути́, а́може а́ще по́йдеши,/ и возвращу́ тя в зе́млю сию́, я́ко не и́мам тебе́ оста́вити,/ до́ндеже сотвори́ти Ми вся, ели́ка глаго́лах тебе́./ И воста́ Иа́ков от сна своего́, и рече́:/ я́ко есть Госпо́дь на ме́сте сем, аз же не ве́дех./ И убоя́ся, и рече́:/ я́ко стра́шно ме́сто сие́,/ несть сие́, но дом Бо́жий,// и сия́ врата́ Небе́сная.

 

Диакон:   Прему́дрость.

Чтец:            Проро́чества Иезеки́илева чте́ние.

Диакон:   Во́нмем.

                (Из глав 43,44:)

Чтец:            Та́ко глаго́лет Госпо́дь:/ бу́дет от дне осма́го и про́чее,/ сотворя́т иере́и на олтари́ всесожже́ния ва́шего/ и я́же спасе́ния ва́шего,/ и прииму́ вы, глаго́лет Адонаи́ Госпо́дь./ И обрати́ мя на путь врат святы́х вне́шних, зря́щих на восто́ки,/ и сия́ бя́ху затворе́на./ И рече́ Госпо́дь ко мне:/ врата́ сия́ затворе́на бу́дут и не отве́рзутся,/ и никто́же про́йдет сквозе́ их,/ я́ко Госпо́дь Бог Изра́илев про́йдет и́ми,/ и бу́дут затворе́на./ Я́ко игу́мен ся́дет в них сне́сти хлеб,/ по пути́ Ела́мских врат вни́дет и по пути́ его́ изы́дет./ И введе́ мя по пути́ врат святы́х,/ су́щих к се́веру пря́мо хра́му,// и ви́дех, и се испо́лнь сла́вы храм Госпо́день.

 

Диакон:   Прему́дрость.

Чтец:            При́тчей чте́ние.

Диакон:   Во́нмем

                  (Из главы 9:)

Чтец:            Прему́дрость созда́ Себе́ дом и утверди́ столпо́в седмь./ Закла́ Своя́ же́ртвенная, и раствори́ в ча́ши Свое́й вино́,/ и угото́ва Свою́ трапе́зу./ Посла́ Своя́ рабы́, созыва́ющи с высо́ким пропове́данием на ча́шу, глаго́лющи:/ и́же есть безу́мен, да уклони́тся ко Мне,/ и тре́бующим ума́ рече́:/ прииди́те, яди́те Мой хлеб/ и пи́йте вино́, е́же раствори́х вам,/ оста́вите безу́мие, и жи́ви бу́дете,/ и взыщи́те ра́зума, да поживете́,/ и испра́вите ра́зум в ве́дении./ Наказу́яй злы́я, прии́мет себе́ безче́стие,/ облича́яй же нечести́ваго, опоро́чит себе́,/ обличе́ние бо нечести́вому, ра́ны ему́./ Не облича́й злых, да не возненави́дят тебе́,/ облича́й прему́дра, и возлю́бит тя,/ даждь прему́дрому вину́, и прему́дрший бу́дет;/ сказу́й пра́ведному, и приложи́т приима́ти./ Нача́ло прему́дрости страх Госпо́день,/ и сове́т святы́х – ра́зум./ Разуме́ти бо зако́н, по́мысла есть блага́го,/ сим бо о́бразом мно́гое поживе́ши вре́мя,// и приложа́тся тебе́ ле́та живота́.

 

Ектения́ сугу́бая:

Диакон:   Рцем вси от всея́ души́, и от всего́ помышле́ния на́шего рцем.

Хор:     Го́споди, поми́луй.

Диакон:   Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Хор:     Го́споди, поми́луй.

Диакон:   Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор:     Го́споди, поми́луй. (Трижды, на каждое прошение)

Диакон:   Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.

                 Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

                 Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

                 Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.

                 Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Иерей:     Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Сподо́би, Го́споди:

 Хор:      Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

                 Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

              Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

 

Ектения́ проси́тельная:

Диакон:   Испо́лним вече́рнюю моли́тву на́шу Го́сподеви.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Ве́чера всего́ соверше́нна, свя́та, ми́рна и безгре́шна у Го́спода про́сим.

Хор:     Пода́й, Го́споди. (На каждое прошение)

Диакон:   А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                 Проще́ния и оставле́ния грехо́в и прегреше́ний на́ших у Го́спода про́сим.

                 До́брых и поле́зных душа́м на́шим и ми́ра ми́рови у Го́спода про́сим.

                 Про́чее вре́мя живота́ на́шего в ми́ре и покая́нии сконча́ти у Го́спода про́сим.

                 Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                 Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Благ и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

Иерей:     Мир всем.

Хор:     И ду́хови твоему́.

Диакон:   Главы́ на́ша Го́сподеви прикло́ним.

Хор:     Тебе́, Го́споди.

Иерей:     Бу́ди держа́ва Ца́рствия Твоего́ благослове́на и препросла́влена. Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:     Ами́нь.

Лития́:

                     Стихира Успения, глас 1, самогласна:

Стихира:  Подоба́ше самови́дцем Сло́ва и слуга́м/ и е́же по пло́ти Ма́тере Его́ успе́ние ви́дети,/ коне́чное ели́ко на Ней та́инство,/ я́ко да не то́кмо е́же от земли́ Спа́сово восхожде́ние у́зрят,/ но и Ро́ждшия Его́ преставле́нию свиде́тельствуют./ Те́мже, отвсю́ду Боже́ственною си́лою собра́вшеся,/ Сио́на достиго́ша/ и на Не́бо иду́щую предсыла́ху, вы́шшую Херуви́м,/ Е́йже и мы с ни́ми покланя́емся,// я́ко моля́щейся о душа́х на́ших.

 

                     Стихиры Успения, глас 2, самогласны:

Стихира:  Я́же Небе́с вы́шшая су́щи,/ и Херуви́м сла́внейшая,/ и всея́ тва́ри честне́йшая,/ я́же премно́гия ра́ди чистоты́/ Присносу́щнаго Существа́ прия́телище бы́вши,/ в Сыно́вне ру́це днесь всесвяту́ю предае́т ду́шу,/ и с Не́ю исполня́ются вся́ческая ра́дости,// и нам да́рует ве́лию ми́лость.

 

Стихира:  Всенепоро́чная Неве́ста/ и Ма́ти Благоволе́ния О́тча,/ Я́же Бо́гу пронарече́нная,/ во Свое́ Ему́ жили́ще несли́тнаго соедине́ния/ днесь пречи́стую ду́шу Творцу́ и Бо́гу предае́т,/ Ю́же Безпло́тных си́лы боголе́пно подъе́млют,/ и к Животу́ преставля́ется,/ су́щая Ма́ти Живота́,/ Свеща́ непристу́пнаго Све́та,/ спасе́ние ве́рных// и упова́ние душ на́ших.

 

                     Стихира Успения, глас 3, самогласна:

Стихира:  Прииди́те, вси концы́ земни́и,/ честно́е преставле́ние Богома́тере восхва́лим:/ в ру́це бо Сы́на ду́шу непоро́чную положи́./ Те́мже святы́м успе́нием Ея́ мир оживотвори́ся,/ во псалме́х, и пе́ниих, и пе́снех духо́вных// со Безпло́тными и апо́столы пра́зднует све́тло.

 

                     Стихиры Успения, глас 5:

              Сла́ва Отцу́ и Сы́ну и Свято́му Ду́ху.

Стихира:    Прииди́те, празднолю́бных собо́р,/ прииди́те, и лик соста́вим,/ прииди́те, венча́ем пе́сньми Це́рковь,/ упокое́нием Ковче́га Бо́жия./ Днесь бо Не́бо простира́ет не́дра,/ прие́мля Ро́ждшую все́ми Невмести́маго,/ и земля́, Исто́чник Жи́зни отдаю́щи, благослове́ние,/ украша́ется благоле́пием./ А́нгели лик составля́ют со апо́столы,/ ужа́сно взира́юще/ от живота́ в Живо́т преставля́ему,/ Ро́ждшую Нача́льника жи́зни./ Вси поклони́мся Ей, моля́щеся:/ сро́дна присвое́ния не забу́ди, Влады́чице,// ве́рно пра́зднующих всесвято́е Твое́ успе́ние.

 

              И ны́не и при́сно и во ве́ки веко́в. Ами́нь.

Стихира:    Воспо́йте, лю́дие,/ Ма́тери Бо́га на́шего, воспо́йте:/ днесь бо всесве́тлую ду́шу Свою́ в пречи́стыя дла́ни/ И́же из Нея́ Вопло́щшагося без се́мене предае́т,/ Его́же и мо́лит непреста́нно// дарова́ти вселе́нней мир и ве́лию ми́лость.

 

Диакон:   Спаси́, Бо́же, лю́ди Твоя́ и благослови́ достоя́ние Твое́, посети́ мир Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Сил безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших: святи́теля Михаи́ла, пе́рвого митрополи́та Ки́евскаго, первосвяти́телей Моско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́ова, Ермоге́на и Ти́хона, митрополи́тов Моско́вских Филаре́та, Инноке́нтия и Мака́рия. Святы́х, сла́вных и добропобе́дных му́чеников, новому́чеников и испове́дников Це́ркве Ру́сския: Влади́мира, митрополи́та Ки́евскаго, Вениами́на, митрополи́та Петрогра́дского, Петра́, митрополи́та Крути́цкаго, Иларио́на, архиепи́скопа Вере́йскаго, святы́х ца́рственных страстоте́рпцев, преподобному́чениц вели́кия княги́ни Елисаве́ты и и́нокини Варва́ры, преподо́бных и богоно́сных оте́ц на́ших, преподо́бных оте́ц ста́рцев О́птинских, святы́х пра́ведных Иоа́нна Кроншта́дтскаго и Алекси́я Моско́вскаго, святы́х блаже́нных Ксе́нии Петербу́ржския и Матро́ны Моско́вския, святы́х и пра́ведных богооте́ц Иоаки́ма и А́нны (и святаго имярек, егоже есть храм и егоже есть день), и всех святы́х. Мо́лим Тя, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Хор:       Го́споди, поми́луй. (40 раз)

 

Диакон:   Еще́ мо́лимся о Вели́ком Господи́не и отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епископе имярек) и о всем во Христе́ бра́тстве на́шем, и о вся́кой души́ христиа́нстей, скорбя́щей же и озло́бленней, ми́лости Бо́жия и по́мощи тре́бующей; о покрове́нии гра́да сего́, и живу́щих в нем, о ми́ре, и состоя́нии всего́ ми́ра; о благостоя́нии святы́х Бо́жиих церкве́й; о спасе́нии и по́мощи со тща́нием и стра́хом Бо́жиим тружда́ющихся и служа́щих оте́ц и бра́тий на́ших; о оста́вльшихся и во отше́ствии су́щих; о исцеле́нии в не́мощех лежа́щих; о успе́нии, осла́бе, блаже́нней па́мяти и о оставле́нии грехо́в всех преждеотше́дших оте́ц и бра́тий на́ших, зде лежа́щих и повсю́ду правосла́вных; о избавле́нии плене́нных, и о бра́тиях на́ших во слу́жбах су́щих, и о всех служа́щих и служи́вших во святе́м хра́ме сем рцем.

Хор:       Го́споди, поми́луй. (50 раз)

 

Диакон:   Еще́ мо́лимся о е́же сохрани́тися гра́ду сему́, и свято́му хра́му сему́, и вся́кому гра́ду и стране́, от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни; о е́же ми́лостиву и благоуве́тливу бы́ти благо́му и человеколюби́вому Бо́гу на́шему, отврати́ти вся́кий гнев на ны дви́жимый, и изба́вити ны от належа́щаго и пра́веднаго Своего́ преще́ния и поми́ловати ны.

Хор:       Го́споди, поми́луй. (Трижды)

Диакон:   Еще́ мо́лимся и о е́же услы́шати Го́споду Бо́гу глас моле́ния нас, гре́шных, и поми́ловати нас.

Хор:       Го́споди, поми́луй. (Трижды)

 

Иерей:              Услы́ши ны, Бо́же, Спаси́телю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

 

Иерей:              Мир всем.

Хор:       И ду́хови твоему́.

 

Диакон:   Главы́ на́ша Го́сподеви прикло́ним.

Хор:       Тебе́, Го́споди.

 

Иерей:              Влады́ко многоми́лостиве, Го́споди Иису́се Христе́, Бо́же наш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Сил безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших: святи́теля Михаи́ла, пе́рвого митрополи́та Ки́евскаго, первосвяти́телей Моско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́ова, Ермоге́на и Ти́хона, митрополи́тов Моско́вских Филаре́та, Инноке́нтия и Мака́рия. Святы́х, сла́вных и добропобе́дных му́чеников, новому́чеников и испове́дников Це́ркве Ру́сския: Влади́мира, митрополи́та Ки́евскаго, Вениами́на, митрополи́та Петрогра́дского, Петра́, митрополи́та Крути́цкаго, Иларио́на, архиепи́скопа Вере́йскаго, святы́х ца́рственных страстоте́рпцев, преподобному́чениц вели́кия княги́ни Елисаве́ты и и́нокини Варва́ры, преподо́бных и богоно́сных оте́ц на́ших, преподо́бных оте́ц ста́рцев О́птинских, святы́х пра́ведных Иоа́нна Кроншта́дтскаго и Алекси́я Моско́вскаго, святы́х блаже́нных Ксе́нии Петербу́ржския и Матро́ны Моско́вския, святы́х и пра́ведных богооте́ц Иоаки́ма и А́нны (и святаго имярек, егоже есть храм и егоже есть день), и всех святы́х. благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь. Го́споди, поми́луй нас и мир Твой, и спаси́ ду́ши на́ша, я́ко благ и человеколю́бец.

Хор:       Ами́нь.

 

Стихи́ры на стихо́вне:

                     Стихиры Успения, глас 4, самогласны:

Стихира:   Прииди́те, воспое́м, лю́дие,/ Пресвяту́ю Де́ву Чи́стую,/ из Нея́же неизрече́нно про́йде,/ вопло́щся, Сло́во О́тчее,/ зову́ще и глаго́люще:/ благослове́нна Ты в жена́х,/ блаже́нное чре́во, вмести́вшее Христа́./ Того́ святы́м рука́м ду́шу преда́вши,/ моли́ся, Пречи́стая,// спасти́ся душа́м на́шим.

 

Стих:      Воскресни́, Го́споди, в поко́й Твой,// Ты и Киво́т святы́ни Твоея́.

Стихира:  Дави́дскую песнь днесь, лю́дие, воспое́м Христу́ Бо́гу:/ приведу́тся, рече́, Царю́ де́вы в след Ея́,/ и и́скренния Ея́ приведу́тся в весе́лии и ра́довании./ И́бо от се́мене Дави́дова,/ Ея́же ра́ди мы обожи́хомся,/ в ру́це Своего́ Сы́на и Влады́ки,/ сла́вно и па́че сло́ва прелага́ется,/ Ю́же, я́ко Ма́терь Бо́жию, воспева́юще,/ вопие́м и глаго́лем:/ спаси́ нас, испове́дающих Тя, Богоро́дицу,/ от вся́каго обстоя́ния// и изба́ви от бед ду́ши на́ша.

 

Стих:      Кля́тся Госпо́дь Дави́ду и́стиною,// и не отве́ржется ея́.

Стихира:  Всечестно́е Твое́ успе́ние,/ Пресвята́я Де́во Чи́стая,/ А́нгел мно́жество на Небеси́/ и челове́ческий род на земли́, ублажа́ем,/ я́ко Ма́ти была́ еси́ Творца́ всех, Христа́ Бо́га,/ Того́ моля́щи не преста́й о нас, мо́лимся,/ и́же на Тя с Бо́гом упова́ние поло́жших,// Богоро́дице Всепе́тая и Неискусобра́чная.

 

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Стихира:    Егда́ изшла́ еси́, Богоро́дице Де́во,/ ко из Тебе́ Ро́ждшемуся неизрече́нно,/ бя́ше Иа́ков, брат Бо́жий и пе́рвый священнонача́льник,/ Петр же, честне́йший верхо́вник,/ Богосло́вов нача́льник,/ и весь Боже́ственный апо́стольский лик,/ явле́нным богосло́вием песносло́вяще/ Боже́ственное и стра́шное Христа́ Бо́га смотре́ния та́инство/ и живонача́льное и богоприя́тное Твое́ те́ло погре́бше,/ ра́довахуся, Всепе́тая./ Превы́ше же пресвяты́я и старе́йшия а́нгельския си́лы,/ чудеси́ дивя́щеся,/ прини́кше друг ко дру́гу, глаго́лаху:/ возьми́те ва́ша врата́/ и восприими́те Ро́ждшую небесе́ и земли́ Творца́,/ славословле́ньми же воспое́м честно́е и свято́е те́ло,/ вмести́вшее на́ми Неви́димаго и Го́спода./ Те́мже и мы, па́мять Твою́ пра́зднующе,/ вопие́м Ти, Препе́тая:// христиа́нский рог вознеси́ и спаси́ ду́ши на́ша.

 

Моли́тва свято́го Симео́на Богоприи́мца:

Хор:     Ны́не отпуща́еши раба́ Твоего́, Влады́ко,/ по глаго́лу Твоему́, с ми́ром;/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,// и сла́ву люде́й Твои́х Изра́иля.

 

Трисвято́е по О́тче наш:

Чтец:      Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                 Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

              Го́споди, поми́луй. (Трижды)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иерей:     Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:     Ами́нь.

 

Тропа́рь Успе́ния Пресвято́й Богоро́дицы, глас 1:

Хор:     В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша. (Трижды)

 

Благослове́ние хле́бов:

Диакон:   Го́споду помо́лимся.

Хор:     Го́споди, поми́луй.

 

Иерей:     Го́споди Иису́се Христе́ Бо́же наш, благослови́вый пять хле́бов и пять ты́сящ насы́тивый, Сам благослови́ и хле́бы сия́, пшени́цу, вино́ и еле́й; и умно́жи сия́ во гра́де сем и во всем ми́ре Твое́м; и вкуша́ющия от них ве́рныя освяти́. Я́ко Ты еси́ благословля́яй и освяща́яй вся́ческая, Христе́ Бо́же наш, и Тебе́ сла́ву возсыла́ем, со Безнача́льным Твои́м Отце́м, и Всесвяты́м, и Благи́м, и Животворя́щим Твои́м Ду́хом, ны́не и при́сно и во ве́ки веко́в.

Хор:     Ами́нь. Бу́ди И́мя Госпо́дне благослове́но от ны́не и до ве́ка. (Трижды)

Псало́м 33:

Хор:     Благословлю́ Го́спода на вся́кое вре́мя,/ вы́ну хвала́ Его́ во усте́х мои́х./ О Го́споде похва́лится душа́ моя́,/ да услы́шат кро́тции, и возвеселя́тся./ Возвели́чите Го́спода со мно́ю,/ и вознесе́м И́мя Его́ вку́пе./ Взыска́х Го́спода, и услы́ша мя,/ и от всех скорбе́й мои́х изба́ви мя./ Приступи́те к Нему́, и просвети́теся,/ и ли́ца ва́ша не постыдя́тся./ Сей ни́щий воззва́, и Госпо́дь услы́ша и,/ и от всех скорбе́й его́ спасе́ и./ Ополчи́тся А́нгел Госпо́день о́крест боя́щихся Его́,/ и изба́вит их./ Вкуси́те и ви́дите, я́ко благ Госпо́дь:/ блаже́н муж, и́же упова́ет Нань./ Бо́йтеся Го́спода, вси святи́и Его́,/ я́ко несть лише́ния боя́щимся Его́./ Бога́тии обнища́ша и взалка́ша:/ взыска́ющии же Го́спода// не лиша́тся вся́каго бла́га.

 

Иерей:     Благослове́ние Госпо́дне на вас, Того́ благода́тию и человеколю́бием, всегда́, ны́не и при́сно и во ве́ки веко́в.

Хор:     Ами́нь.

 

У́треня

Шестопса́лмие:

Хор:     Сла́ва в вы́шних Бо́гу, и на земли́ мир, в челове́цех благоволе́ние. (Трижды)

              Го́споди, устне́ мои́ отве́рзеши, и уста́ моя́ возвестя́т хвалу́ Твою́. (Дважды)

 

Псало́м 3:

Чтец:      Го́споди, что ся умно́жиша стужа́ющии ми? Мно́зи востаю́т на мя, мно́зи глаго́лют души́ мое́й: несть спасе́ния ему́ в Бо́зе его́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющия ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.

              Аз усну́х, и спах, воста́х, я́ко Госпо́дь засту́пит мя.

Псало́м 37:

                 Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я́ко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Я́ко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. Аз же я́ко глух не слы́шах и я́ко нем не отверза́яй уст свои́х. И бых я́ко челове́к не слы́шай и не имы́й во усте́х свои́х обличе́ния. Я́ко на Тя, Го́споди, упова́х, Ты услы́шиши, Го́споди Бо́же мой. Я́ко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. Я́ко аз на ра́ны гото́в, и боле́знь моя́ предо мно́ю есть вы́ну. Я́ко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от мене́. Вонми́ в по́мощь мою́, Го́споди спасе́ния моего́.

              Не оста́ви мене́, Го́споди Бо́же мой, не отступи́ от мене́. Вонми́ в по́мощь мою́, Го́споди спасе́ния моего́.

Псало́м 62:

              Бо́же, Бо́же мой, к Тебе́ у́тренюю, возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Я́ко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й, на у́тренних поуча́хся в Тя. Я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́, предадя́тся в ру́ки ору́жия, ча́сти ли́совом бу́дут. Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.

              На у́тренних поуча́хся в Тя. Я́ко был еси́ Помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́.

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

              Го́споди поми́луй. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Псало́м 87:

              Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́, я́ко испо́лнися зол душа́ моя́, и живо́т мой а́ду прибли́жися. Привмене́н бых с низходя́щими в ров, бых я́ко челове́к без по́мощи, в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя в ро́ве преиспо́днем, в те́мных и се́ни сме́ртней. На мне утверди́ся я́рость Твоя́, и вся во́лны Твоя́ наве́л еси́ на мя. Уда́лил еси́ зна́емых мои́х от мене́, положи́ша мя ме́рзость себе́: пре́дан бых и не исхожда́х. О́чи мои́ изнемого́сте от нищеты́, воззва́х к Тебе́, Го́споди, весь день, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто во гро́бе ми́лость Твою́, и и́стину Твою́ в поги́бели? Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? И аз к Тебе́, Го́споди, воззва́х и у́тро моли́тва моя́ предвари́т Тя. Вску́ю, Го́споди, отре́еши ду́шу мою́, отвраща́еши лице́ Твое́ от мене́? Нищ есмь аз, и в труде́х от ю́ности моея́; возне́с же ся, смири́хся, и изнемого́х. На мне преидо́ша гне́ви Твои́, устраше́ния Твоя́ возмути́ша мя, обыдо́ша мя я́ко вода́, весь день одержа́ша мя вку́пе. Уда́лил еси́ от мене́ дру́га и и́скренняго, и зна́емых мои́х от страсте́й.

              Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́.

Псало́м 102:

              Благослови́, душе́ моя́, Го́спода, и вся вну́тренняя моя́ и́мя свя́тое Его́. Благослови́, душе́ моя́, Го́спода, и не забыва́й всех воздая́ний Его́, очища́ющаго вся беззако́ния твоя́, исцеля́ющаго вся неду́ги твоя́, избавля́ющаго от истле́ния живо́т твой, венча́ющаго тя ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: Щедр и Ми́лостив Госпо́дь, Долготерпели́в и Многоми́лостив. Не до конца́ прогне́вается, ниже́ в век вражду́ет, не по беззако́нием на́шим сотвори́л есть нам, ниже́ по грехо́м на́шим возда́л есть нам. Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е его́, я́ко цвет се́льный, та́ко оцвете́т, я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на Небеси́ угото́ва Престо́л Свой, и Ца́рство Его́ все́ми облада́ет. Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода вся Си́лы Его́, слуги́ Его́, творя́щии во́лю Его́. Благослови́те Го́спода вся дела́ Его́, на вся́ком ме́сте влады́чествия Его́, благослови́, душе́ моя́, Го́спода.

              На вся́ком ме́сте влады́чествия Его́, благослови́, душе́ моя́, Го́спода.

Псало́м 142:

                 Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щим в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющия души́ мое́й, я́ко аз раб Твой есмь.

              Услы́ши мя, Го́споди, в пра́вде Твое́й и не вни́ди в суд с рабо́м Твои́м.

              Услы́ши мя, Го́споди, в пра́вде Твое́й и не вни́ди в суд с рабо́м Твои́м.

              Дух Твой Благи́й наста́вит мя на зе́млю пра́ву.

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

После Шестопсалмия

Вели́кая ектения́:

Диакон:   Ми́ром Го́споду помо́лимся.  

Хор:     Го́споди, поми́луй. (На каждое прошение)

Диакон:   О Свы́шнем ми́ре и спасе́нии душ на́ших, Го́споду помо́лимся.

                 О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

                     О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                 О вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

                 О Богохрани́мей стране́ на́шей, власте́х и во́инстве ея́, Го́споду помо́лимся.

                 О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.

                 О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

                     О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.

                 О изба́витися нам от вся́кия ско́рби, гне́ва и ну́жды, Го́споду помо́лимся.

                 Заступи́, спаси́, поми́луй и сохрани́ нас, Бо́же, Твое́ю благода́тию.

                 Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Бог Госпо́дь, глас 2:

Диакон:   Бог Госпо́дь, и яви́ся нам, благослове́н Гряды́й во И́мя Госпо́дне.

Стих 1:      Испове́дайтеся Го́сподеви, я́ко благ, я́ко в век ми́лость Его́.

Хор:     Бог Госпо́дь, и яви́ся нам, благослове́н Гряды́й во И́мя Госпо́дне.

(И далее на каждый стих)

Стих 2:      Обыше́дше обыдо́ша мя, и И́менем Госпо́дним противля́хся им.

Стих 3:      Не умру́, но жив бу́ду, и пове́м дела́ Госпо́дня.

Стих 4:      Ка́мень, Его́же небрего́ша зи́ждущии, Сей бысть во главу́ у́гла, от Го́спода бысть Сей, и есть ди́вен во очесе́х на́ших.

 

Тропари́ Иерусали́мского после́дования, глас 2, подо́бен: «Благообра́зный Ио́сиф…» :

Хор:     Благообра́зных учени́к лик ны́не Боже́ственный, о Честна́я,/ нескве́рное те́ло Твое́ слеза́ми чи́стыми омочи́в, я́ко арома́ты,/ во гро́бе, че́стне погреба́я, положи́,/ но тридне́вно преста́вилася еси́, Влады́чице,// подаю́щи ми́рови Боже́ственную ми́лость. (Дважды)

 

              Сла́ва Отцу́ и Сы́ну и Свято́му Ду́ху.

              Егда́ снизшла́ еси́ к сме́рти, Живота́ Ма́ти безсме́ртная,/ тогда́ ад удиви́ся и ужасе́ся стра́шно,/ егда́ же узре́лася еси́ преста́вльшися на Небеса́, Мариа́м, от гро́ба,/ вся си́лы Небе́сныя взыва́ху:// живоно́сная Ма́ти Живота́ на́шего, сла́ва Тебе́.

 

              И ны́не и при́сно и во ве́ки веко́в. Ами́нь.

              Свяще́нным ученико́м, в Гефсима́нию те́ло Ма́тере Бо́жия нося́щим,/ пе́снь, ю́же возглаша́ю, прили́чна есть./ Сего́ ра́ди Христа́ Ма́тери,/ вои́стинну Еди́ней Богоотрокови́це, возопи́йте:// воста́ни, о Влады́чице, подаю́щи всем ве́лию ми́лость.

 

                     При пении «Бог Господь» и тропарей отверзаются царские врата, священнослужители выходят из алтаря царскими вратами на середину храма к Плащанице. Плащаница кадится трижды окрест. По обычаю, может совершаться полное каждение храма.

                     Если выноса Плащаницы не было в сам день Успения: Плащаница северными вратами износится из алтаря к уготованному надгробию на середину храма. Настоятель – в полном облачении. По положении Плащаницы на гробницу бывает каждение Плащаницы, трижды окрест. По обычаю, может совершаться полное каждение храма.

                      Затем – непорочны с похвалами на священное преставление Богоматери – на три статии. Как правило, похвалы читаются священником, а стихи псалма поются хором или тоже читаются; впрочем, существует и иная практика исполнения непорочных, когда и стихи псалма, и похвалы поются. (Богослужебные указания: http://www.patriarchia.ru/bu/2024-08-30)

 

Непоро́чны с похвала́ми на свяще́нное преставле́ние Богома́тери:

Статия́ пе́рвая:

Стих:      Блаже́ни непоро́чнии в пу́ть, ходя́щии в зако́не Госпо́дни.

Похвала:  Жи́знь, во гро́бе положи́лся еси́, Христе́, и Ма́терь Живота́ полага́ется: стра́нное виде́ние А́нгелом и челове́ком.

 

Стих:      Блаже́ни испыта́ющии свиде́ния Его́, всем се́рдцем взы́щут Его́.

Похвала:  Велича́ем Тя, Богоро́дице Чи́стая, и чтим свято́е Твое́ успе́ние, и покланя́емся честно́му гро́бу Твоему́.

 

Стих:      Не де́лающии бо беззако́ния в путе́х Его́ ходи́ша.

Похвала:  Мариа́м, ка́ко умира́еши, Жи́знь ве́рных? Ка́ко же гроб вмести́ Твое́ те́ло, вмести́вшее Невмести́маго все́ми?

 

Стих:         Ты запове́дал еси́ за́поведи Твоя́ сохрани́ти зело́.

Похвала:       Небе́с Царя́, Бо́га, ро́ждшая, в Небе́сное Ца́рство прелага́ешися, Чи́стая, ца́рски.

 

Стих:         Дабы́ испра́вилися путие́ мой, сохрани́ти оправда́ния Твоя́.

Похвала:  От земли́ преста́вилася еси́ и от земли́ ника́коже отлучи́лася еси́, Всесвята́я Богоро́дице, избавля́ющи весь мир от бед.

 

Стих:         Тогда́ не постыжу́ся, внегда́ призре́ти ми на вся за́поведи Твоя́.

Похвала:  Вся земля́ сла́вит погребе́ние Твое́, Христе́, и пое́т, Влады́ко, погреба́льная Пречи́стыя Твоея́ Ма́тере всеблагогове́йно.

 

Стих:         Испове́мся Тебе́ в пра́вости се́рдца, внегда́ научи́тимися судьба́м пра́вды Твоея́.

Похвала:  А́нгели, зря́ще Тя, Чи́стая, просте́рту ме́ртву, Живо́т ми́ру возсия́вшую, соужаса́ющеся, дивля́хуся.

 

Стих:         Оправда́ния Твоя́ сохраню́, не оста́ви мене́ до зела́.

Похвала:  Па́ки по́слан бы́сть Гаврии́л от Бо́га и Твое́ благовеству́ет изше́ствие, Пренебе́сная, Нетле́нная, Чи́стая.

 

Стих:         В чесо́м испра́вит юне́йший пу́ть свой? Внегда́ сохрани́ти словеса́ Твоя́.

Похвала:  В черто́г Боже́ственный Тебе́, Неве́сту Бо́жию, Жени́х призыва́ет, Богоневе́сто, весели́тися при́сно боголе́пно.

 

Стих:         Всем се́рдцем мои́м взыска́х Тебе́, не отри́ни мене́ от за́поведей Твои́х.

Похвала:  До Престо́ла Бо́жия, иде́же свет Тро́ицы стра́шный и непристу́пный, дости́гла еси́ и почи́ла еси́, Де́во, и́стинно.

 

Стих:         В се́рдце мое́м скрых словеса́ Твоя́, я́ко да не согрешу́ Тебе́.

Похвала:  Преста́вльшися от земли́, Бо́гу предста́ла еси́, Богоро́дице, от Бо́га ника́коже отлуче́на бы́вши николи́же от утро́бы ма́тере.

 

Стих:         Благослове́н еси́, Го́споди, научи́ мя оправда́нием Твои́м.

Похвала:  Честно́е Твое́ те́ло, Де́во, тле́ния и во гро́бе не уве́де, но с те́лом прешла́ еси́ от земли́ к Небеси́.

 

Стих:         Устна́ма мои́ма возвести́х вся судьбы́ уст Твои́х.

Похвала:  Всесвято́е Твое́ лице́, Пречи́стая, и ме́ртвое я́ко рай явля́шеся, благода́тию и жи́знию ды́шущее взира́ющим.

 

Стих:         На пути́ свиде́ний Твои́х наслади́хся, я́ко о вся́ком бога́тстве.

Похвала:  От нас, чад Твои́х, Ма́ти, любо́вь на́шу и пе́снь исхо́дную приими́, приноси́мую из глубины́ души́.

 

Стих:         В за́поведех Твои́х поглумлю́ся и уразуме́ю пути́ Твоя́.

Похвала:  Отве́рзи, Ма́ти, честне́и Твои́ о́чи и на чад со́бранных при́зри, Твое́ успе́ние сла́вящих че́стно.

 

Стих:         Во оправда́ниих Твои́х поучу́ся, не забу́ду слове́с Твои́х.

Похвала:  Отве́рзи уста́ и да́ждь нам благослове́ние, Пресвята́я Богоро́дице, преста́вльшаяся от нас коне́чне.

 

Стих:         Возда́ждь рабу́ Твоему́, живи́ мя, и сохраню́ словеса́ Твоя́.

Похвала:  Не оста́ви нас ны́не, си́рых, Ма́ти, от земли́ на Не́бо ны́не взе́млема, сопребыва́ти иму́щая Сы́ну и Бо́гу.

 

Стих:         Откры́й о́чи мои́, и уразуме́ю чудеса́ от зако́на Твоего́.

Похвала:  О́крест одра́ Твоего́ предстоя́ще, те́пле взыва́ем Тебе́, Де́во: поми́луй, Всесвята́я, спаси́ всех ве́рных.

 

Стих:         Пришле́ц аз е́смь на земли́, не скрый от мене́ за́поведи Твоя́.

Похвала:  Прииди́ ны́не, А́нно, ста́ни с на́ми, нача́льствующи во пра́зднестве Твоея́ Святы́я Дще́ре, Богома́тере.

 

Стих:         Возлюби́ душа́ моя́ возжела́ти судьбы́ Твоя́ на вся́кое вре́мя.

Похвала:  Прииди́те, дади́м сла́ву и хвалу́ Бо́гу, призва́вшему Сию́ во Свята́я, я́ко Святу́ю, святы́х бо́льшую.

 

Стих:         Запрети́л еси́ го́рдым, про́кляти уклоня́ющиися от за́поведей Твои́х.

Похвала:  Ны́не прия́т Не́бо пресла́вно Цари́цу вселе́нныя и весели́тся, ца́рствующую зря́ще с Бо́гом.

 

Стих:            Отыми́ от мене́ поно́с и уничиже́ние, я́ко свиде́ний Твои́х взыска́х.

Похвала:          Бог сла́вы, Сын Твой, Чи́стая, со сла́вою, я́ко Ма́тери, прия́т Тя и посади́ одесну́ю Себе́.

 

Стих:            И́бо седо́ша кня́зи и на мя клевета́ху, раб же Твой глумля́шеся во оправда́ниих Твои́х.

Похвала:           Облече́нна и преукраше́нна благода́тию, ны́не предста́ла еси́ Бо́гу, я́ко Цари́ца и Ма́ти Бо́жия.

 

Стих:           И́бо свиде́ния Твоя́ поуче́ние мое́ есть, и сове́ти мои́ оправда́ния Твоя́.

Похвала:          А́нгели, Де́во, служа́ху на земли́, А́нгели и ны́не на Небесе́х предстоя́т Тебе́ раболе́пно.

 

Стих:           Прильпе́ земли́ душа́ моя́, живи́ мя по словеси́ Твоему́.

Похвала:          А́нгельская во́инства, слете́вше, со стра́хом обстоя́ху, Твое́, Честна́я Влады́чице, преставле́ние зря́ще.

 

Стих:           Пути́ моя́ возвести́х, и услы́шал мя еси́, научи́ мя оправда́нием Твои́м.

Похвала:          И ны́не у́мныя си́лы, мы́сленно с на́ми предстоя́ще, пою́т, преставле́ние сла́вяще Твое́.

 

Стих:            Пу́ть оправда́ний Твои́х вразуми́ ми, и поглумлю́ся в чудесе́х Твои́х.

Похвала:           От коне́ц приидо́ша ученицы́ Христо́ви послужи́ти погребе́нию Твоему́, Влады́чице, и воспе́ти Твое́ успе́ние, Чи́стая.

 

Стих:           Воздрема́ душа́ моя́ от уны́ния, утверди́ мя в словесе́х Твои́х.

Похвала:          Христо́с Бог, Де́во, А́нгели Своя́ и Боже́ственныя апо́столы посла́ на погребе́ние Ма́тере сыноле́пно.

 

Стих:            Пу́ть непра́вды отста́ви от мене́ и зако́ном Твои́м поми́луй мя.

Похвала:          Вся ду́ши святы́х пра́отец, и проро́к, и пра́ведник снидо́шася, исхо́дную принося́ще пе́снь.

 

Стих:            Пу́ть и́стины изво́лих и судьбы́ Твоя́ не забы́х.

Похвала:          Тебе́, Богоро́дице Чи́стая, живу́щую и ны́не по сме́рти, сла́вит все мно́жество Небе́сных и земны́х.

 

Стих:           Прилепи́хся свиде́нием Твои́м, Го́споди, не посрами́ мене́.

Похвала:          Живе́ши и по сме́рти, Живоприе́мный Исто́чниче, от живота́ бо к Животу́ прешла́ еси́, я́ко ро́ждшая Присноживо́тный Живо́т.

 

Стих:           Пу́ть за́поведей Твои́х теко́х, егда́ разшири́л еси́ се́рдце мое́.

Похвала:          А́ще и умира́еши, Де́во, ны́не по подо́бию на́шему, но всех Цари́ца явля́ешися, я́ко заче́ншая Творца́ вся́ческих.

 

Стих:         Законоположи́ мне, Го́споди, пу́ть оправда́ний Твои́х, и взыщу́ и вы́ну.

Похвала:  А́ще и сокрыва́ешися во гро́бе ма́лем, Де́во, но са́мое Не́бо Тебе́ отве́рзеся, и на престо́л прия́т Тебе́ Бог.

 

Стих:         Вразуми́ мя, и испыта́ю зако́н Твой и сохраню́ и́ всем се́рдцем мои́м.

Похвала:  Из недр О́тчих роди́выйся Бог и в не́дра Твоя́, Непоро́чная, вше́дый прия́т во объя́тия Тебе́, Чи́стая.

 

Стих:         Наста́ви мя на стезю́ за́поведей Твои́х, я́ко ту́ю восхоте́х.

Похвала:  Бог погребе́ся, и Ма́ти Бо́жия, Бог в те́мная сни́де, и Ма́ти Бо́жия.

 

Стих:         Приклони́ се́рдце мое́ во свиде́ния Твоя́, а не в лихои́мство.

Похвала:  Сы́на, Де́во, и на Кресте́ не оста́вила еси́, сего́ ра́ди и Той не оста́ви Тя, Тебе́ ны́не предстоя́ теле́сне.

 

Стих:         Отврати́ о́чи мои́, е́же не ви́дети суеты́, в пути́ Твое́м живи́ мя.

Похвала:  Гроб Сы́на прославля́еши ма́терски, и Той, Де́во, Твое́ свято́е успе́ние воспрославля́ет боже́ственне.

 

Стих:         Поста́ви рабу́ Твоему́ сло́во Твое́ в страх Твой.

Похвала:    Восхвали́ша Тебе́ вси А́нгели Бо́жии, егда́ вы́ше Небе́с возшла́ еси́, и, па́дше, поклони́шася че́стно.

 

Стих:         Отыми́ поноше́ние мое́, е́же непщева́х, я́ко судьбы́ Твоя́ бла́ги.

Похвала:  К Престо́лу прише́дши Всевы́шняго Бо́га, па́дши, ра́бски поклони́лася еси́ и предста́ла еси́, зря́щи Бо́га.

 

Стих:         Се, возжела́х за́поведи Твоя́, в пра́вде Твое́й живи́ мя.

Похвала:  О, ра́дости неизрече́нныя! О, че́сти безме́рныя! Мариа́м со Иису́сом, Сы́ном Свои́м, ца́рствует на Небеси́ и на земли́.

 

Стих:          И да прии́дет на мя ми́лость Твоя́, Го́споди, спасе́ние Твое́ по словеси́ Твоему́.

Похвала:  Богоро́дице Де́во, преста́вльшися от земли́, су́щих на земли́ не оста́ви, сохраня́ющи покланя́ющихся преставле́нию Твоему́.

 

Стих:         И отвеща́ю поноша́ющим ми сло́во, я́ко упова́х на словеса́ Твоя́.

Похвала:  От Небесе́, Ма́ти, иде́же ны́не обита́еши, призре́вши на зе́млю, бу́ди благоутро́бна и поми́луй мир, Блага́я.

 

Стих:          И не отыми́ от уст мои́х словесе́ и́стинна до зела́, я́ко на судьбы́ Твоя́ упова́х.

Похвала:  Апо́столи, Богоро́дице Чи́стая, егда́ пресвято́е те́ло Твое́ ви́деша, припа́дше, поклони́шася че́стно.

 

Стих:         И сохраню́ зако́н Твой вы́ну, в век и в век ве́ка.

Похвала:          Исхо́дныя псалмы́, и пе́ния, и пе́сни, лик соста́вльше, поя́ху Тебе́, чудя́щеся сла́ве Твое́й, Чи́стая.

 

Стих:            И хожда́х в широте́, я́ко за́поведи Твоя́ взыска́х.

Похвала:          Боголе́пным, Де́во, Твои́м та́мо сия́нием озаря́еми, ра́довахуся и мня́ху Сы́на Твоего́ зре́ти.

 

Стих:            И глаго́лах о свиде́ниих Твои́х пред цари́, и не стыдя́хся.

Похвала:           Живонача́льному Твоему́ те́лу ки́ими рука́ми ны́не прикосне́мся, Всенепоро́чная, глаго́лаху, Сло́ва Пита́тельнице, Чи́стая?

 

Стих:           И поуча́хся в за́поведех Твои́х, я́же возлюби́х зело́.

Похвала:          Ка́я словеса́, Де́во, Тебе́ изрече́м ны́не? Ки́я пе́сни, Препе́тая Влады́чице, принесе́м успе́нию Твоему́?

 

Стих:            И воздвиго́х ру́це мои́ к за́поведем Твои́м, я́же возлюби́х, и глумля́хся во оправда́ниих Твои́х.

Похвала:           Мариа́м Де́во, прия́тное Бо́гу и́мя и существо́, ка́ко умерла́ еси́, обожи́вшая естество́ сме́ртных?

 

Стих:            Помяни́ словеса́ Твоя́ рабу́ Твоему́, и́хже упова́ние дал ми еси́.

Похвала:           Ка́ко ви́дена была́ еси́ бездыха́нна, вся́кое дыха́ние Даю́щаго неизрече́нно ро́ждшая? О, сбытия́, Де́во, но́ваго!

 

Стих:           То мя уте́ши во смире́нии мое́м, я́ко сло́во Твое́ живи́ мя.

Похвала:          Преше́дшая естества́ уста́вы, ка́ко подклоня́ешися уста́вом естества́, Влады́чице, и сме́рти, я́коже мы, иску́с прия́ла еси́?

 

Стих:             Го́рдии законопреступова́ху до зела́, от зако́на же Твоего́ не уклони́хся.

Похвала:          Рождество́м Твои́м, Де́во, гро́зное сме́рти устремле́ние останови́вшая, ка́ко ны́не наше́ствию сме́рти уступа́еши?

 

Стих:           Помяну́х судьбы́ Твоя́ от ве́ка, Го́споди, и уте́шихся.

Похвала:          Огнено́сная купина́, ка́ко клеща́ми сме́рти объя́та была́ еси́, Богоневе́сто, носи́вшая О́гнь Божества́?

 

Стих:        Печа́ль прия́т мя от гре́шник, оставля́ющих зако́н Твой.

Похвала:           Почи́ла еси́, Де́во, а не умерла́ ны́не, и, в лу́чшем животе́ и безсме́ртнем пробу́ждшися, обрела́ся еси́ во пло́ти.

 

Стих:           Пе́та бя́ху мне оправда́ния Твоя́ на ме́сте прише́льствия моего́.

Похвала:          Боже́ственный киво́т заве́та с на́ми Бо́жия в ски́нии ди́вней, в до́ме Бо́жии, всели́ся.

 

Стих:           Помяну́х в нощи́ и́мя Твое́, Го́споди, и сохрани́х зако́н Твой.

Похвала:  Злата́я ста́мна, в не́йже ма́нна небе́сная соблюде́ся, преложи́ся от земли́ Богоотрокови́ца Мариа́м к Бо́гу.

 

Стих:         Сей бы́сть мне, я́ко оправда́ний Твои́х взыска́х.

Похвала:  Бо́га и Сло́ва крило́ на крило́ Небе́сное восхо́дит па́че сло́ва, Богоневе́ста Чи́стая.

 

Стих:         Ча́сть моя́ еси́, Го́споди, рех сохрани́ти зако́н Твой.

Похвала:  Ева́нгельский многоце́нный би́сер усокро́виществовася ны́не в та́йная сокро́вища Бо́жия.

 

Стих:          Помоли́хся Лицу́ Твоему́ всем се́рдцем мои́м, поми́луй мя по словеси́ Твоему́.

Похвала:  Смотре́ния Бо́га вопло́щшагося сокраще́нный есть о́браз сие́ са́мое та́инство, преставле́ние Твое́ к Бо́гу.

 

Стих:         Помы́слих пути́ Твоя́ и возврати́х но́зе мои́ во свиде́ния Твоя́.

Похвала:  Ви́дяще Тя, Де́во, Ма́терь Бо́жию, мне́хом ви́дети Бо́га при́сно. Ка́ко же ны́не стерпи́м отлуче́ние?

 

Стих:         Угото́вихся и не смути́хся сохрани́ти за́поведи Твоя́.

Похвала:  Тебе́, стяжа́вшую Ду́ха Бо́жия, в Тебе́, Богоневе́сто, все́льшагося, бездыха́нну ви́дя, и наш дух оскудева́ет.

 

Стих:         У́жа гре́шник обяза́шася мне, и зако́на Твоего́ не забы́х.

Похвала:  Богоро́дице Де́во, ра́досте на́ша, Богоро́дице, пропове́дание на́ше, Богоро́дице, ка́мо отхо́диши от нас?

 

Стих:         Полу́нощи воста́х испове́датися Тебе́ о судьба́х пра́вды Твоея́.

Похвала:  Ка́мо отхо́диши, Де́во? Ка́мо преставля́ешися ны́не? Превы́ше Небе́с возлете́ла еси́, оста́вльши на земли́ птенцы́.

 

Стих:         Прича́стник аз е́смь всем боя́щимся Тебе́ и храня́щим за́поведи Твоя́.

Похвала:  Дави́де богоо́тче, бу́ди с на́ми ны́не, во исхо́де Ма́тере Бо́га на́шего и в благознамени́тый день пра́здника.

 

Стих:          Ми́лости Твоея́, Го́споди, испо́лнь земля́, оправда́нием Твои́м научи́ мя.

Похвала:  Возопи́й и ны́не ко А́нгелом Бо́жиим: возьми́те врата́ прия́ти Ма́терь Бо́жию боголе́пно.

 

Стих:         Бла́гость сотвори́л еси́ с рабо́м Твои́м, Го́споди, по словеси́ Твоему́.

Похвала:  Кра́сный добро́тою, Ца́рь Небе́сный, ны́не добро́ты Ма́тере вожделе́ и призва́ Ю в Небеса́.

 

Стих:          Бла́гости, и наказа́нию, и ра́зуму научи́ мя, я́ко за́поведем Твои́м ве́ровах.

Похвала:  А́ще и прие́млеши погребе́ние, Де́во, я́ко сме́ртная, но, я́ко Ма́ти Бо́жия, востае́ши Ду́хом Бо́жиим, Вседе́тельным.

 

Стих:          Пре́жде да́же не смири́тимися, аз прегреши́х, сего́ ра́ди сло́во Твое́ сохрани́х.

Похвала:  Богоприе́мное те́ло, а́ще и во гроб вселя́ется, но во гро́бе пребы́ти не навы́че, востае́т же си́лою Боже́ственною.

 

Стих:          Благ еси́ Ты, Го́споди, и бла́гостию Твое́ю научи́ мя оправда́нием Твои́м.

Похвала:  Погребе́ние Твое́, Богоро́дице, ле́ствице Небе́сная, Тебе́ ле́ствица бы́сть, е́юже возшла́ еси́ к Бо́гу, су́щему верху́ ея́.

 

Стих:         Умно́жися на мя непра́вда го́рдых, аз же всем се́рдцем мои́м испыта́ю за́поведи Твоя́.

Похвала:  Светоно́сный све́щник незаходи́маго Све́та под земле́ю вма́ле сокрыва́ется, но полага́ется све́тло на высоте́.

 

Стих:         Усыри́ся, я́ко млеко́, се́рдце их, аз же зако́ну Твоему́ поучи́хся.

Похвала:  Бы́вши еди́ножды от Бо́га проклята́, земля́ освяти́ся погребе́нием Бо́га на́шего и ны́не па́ки погребе́нием Твои́м, Ма́ти.

 

Стих:         Бла́го мне, я́ко смири́л мя еси́, я́ко да научу́ся оправда́нием Твои́м.

Похвала:  С Небесе́ паде́ бе́дне безпло́тный дре́вле, превы́ше Небе́с чу́дно быва́ет ны́не плотоно́сная Де́ва Мариа́м.

 

Стих:         Благ мне зако́н уст Твои́х, па́че ты́сящ зла́та и сребра́.

Похвала:  Твое́, Чи́стая, вели́чие и сла́ва вни́де пред лице́ сла́вы Го́спода, преста́вльшейся Тебе́ от земли́.

 

                     Две последние похвалы поются на «Слава» и на «И ныне», после чего вновь поется первая похвала:

Стих:         Сла́ва Отцу́, и Сы́ну, и Свято́му Ду́ху.

Похвала:    Воспева́ем, Сло́ве, Тебе́, всех Бо́га, со Отце́м и Святы́м Твои́м Ду́хом, и сла́вим Боже́ственный зрак Твой.

 

Стих:         И ны́не, и при́сно, и во ве́ки веко́в. Ами́нь.

Похвала:  Блажи́м Тя, вси ро́ди, Богоро́дице Присноде́во Влады́чице, и сла́вим успе́ние Твое́.

 

Похвала:  Жи́знь, во гро́бе положи́лся еси́, Христе́, и Ма́терь Живота́ полага́ется: стра́нное виде́ние А́нгелом и челове́ком.

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко благослови́ся Твое́ и́мя и просла́вися Твое́ Ца́рство, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:     Ами́нь.

 

Статия́ втора́я:

Похвала:  Досто́йно есть велича́ти Тя, Жизнода́вца, возвели́чившаго живоно́сное преставле́ние Ма́тере Твоея́ Чи́стыя.

 

Стих:         Ру́це Твои́ сотвори́сте мя и созда́сте мя: вразуми́ мя, и научу́ся за́поведем Твои́м.

Похвала:  Досто́йно есть велича́ти Тя, Богоро́дице, ду́шу Боже́ственную и непоро́чную в ру́це Бо́га положи́вшую.

 

Стих:         Боя́щиися Тебе́ у́зрят мя и возвеселя́тся, я́ко на словеса́ Твоя́ упова́х.

Похвала:  О, чудесе́ но́ваго! Две́рь в Две́ри, Не́бо в Не́бо ны́не и́дет и Престо́л Бо́жий на Престо́л Бо́жий.

 

Стих:          Разуме́х, Го́споди, я́ко пра́вда судьбы́ Твоя́, и вои́стинну смири́л мя еси́.

Похвала:  Ста и удиви́ся все мно́жество А́нгелов, зря́ще Христа́ Бо́га непристу́пнаго, приступа́юща к Ма́тери, че́сть Ей воздаю́ща.

 

Стих:         Бу́ди же ми́лость Твоя́, да уте́шит мя, по словеси́ Твоему́ рабу́ Твоему́.

Похвала:  Ужасе́ся, Бо́га тре́петно зря́ще, низходя́щаго па́ки, и ду́шу на ру́це прие́млющаго, и возше́дшаго во сла́ве Боже́ственней.

 

Стих:          Да прии́дут мне щедро́ты Твоя́, и жив бу́ду, я́ко зако́н Твой поуче́ние мое́ есть.

Похвала:  Ужасни́ся, Не́бо, и ты, земле́, внуши́ глаго́лы: Бог, И́же над все́ми, пе́рвее сни́де и ны́не второ́е на зе́млю ра́ди Ма́тере.

 

Стих:         Да постыдя́тся го́рдии, я́ко непра́ведно беззако́нноваша на мя, аз же поглумлю́ся в за́поведех Твои́х.

Похвала:  Прему́дрость дом Свой, от земли́ преста́вивши в дом Свой пренебе́сный, испо́лни ны́не сла́вы Боже́ственныя.

 

Стих:         Да обратя́т мя боя́щиися Тебе́ и ве́дящии свиде́ния Твоя́.

Похвала:  Не от Не́ба сни́де Богоневе́стная Де́ва, но на Небеса́ взы́де, я́ко ро́ждшая Небе́снаго Царя́.

 

Стих:          Бу́ди се́рдце мое́ непоро́чно во оправда́ниих Твои́х, я́ко да не постыжу́ся.

Похвала:  Ны́не прохо́дно бы́сть Не́бо и челове́ком, прииди́те у́бо, вси христоно́снии, взы́дем с Ма́терию Бо́жиею.

 

Стих:         Исчеза́ет во спасе́ние Твое́ душа́ моя́, на словеса́ Твоя́ упова́х.

Похвала:  В зе́млю пони́кла еси́, неора́нная земле́ Госпо́дня, Клас живота́ израсти́вшая, и во стране́ произни́кла еси́ Небе́сней.

 

Стих:         Исчезо́ша о́чи мои́ в сло́во Твое́, глаго́люще: когда́ уте́шиши мя?

Похвала:  Со́лнце, ви́девшее пре́жде заше́дшее Со́лнце Пра́вды, ви́дит ны́не и Луну́ заше́дшую, Де́ву и Ма́терь Све́та.

 

Стих:         Зане́ бых я́ко мех на сла́не, оправда́ний Твои́х не забы́х.

Похвала:  Гроб несве́тлый покры́ приосене́нную и светоно́сную го́ру Госпо́дню, покры́вшую Небеса́ доброде́телию.

 

Стих:          Коли́ко есть дней раба́ Твоего́? Когда́ сотвори́ши ми от гоня́щих мя суд?

Похвала:  А́ще и преста́вилася еси́ от земли́ к Небе́сным, Де́во, оба́че вся земля́ сора́дуется и сла́вит преставле́ние Твое́.

 

Стих:          Пове́даша мне законопресту́пницы глумле́ния, но не я́ко зако́н Твой, Го́споди.

Похвала:  А́ще и в Небеси́ заключи́ся нетле́нное те́ло Твое́, Де́во, оба́че благода́ть Твоя́ излия́ся и исполня́ет все лице́ земли́.

 

Стих:         Вся за́поведи Твоя́ и́стина, непра́ведно погна́ша мя, помози́ ми.

Похвала:  В пе́снех к Бо́гу, моли́твах и поще́ниих, Де́во, в сия́ дни упражня́ющися, ожида́ла еси́ преставле́ния Твоего́.

 

Стих:         Вма́ле не сконча́ша мене́ на земли́, аз же не оста́вих за́поведей Твои́х.

Похвала:  Ра́дуется душа́, и лице́ све́том блиста́ет, отходя́щей Тебе́ ко Го́споду, Всесвята́я Госпоже́ ве́рных.

 

Стих:         По ми́лости Твое́й живи́ мя, и сохраню́ свиде́ния уст Твои́х.

Похвала:  Се, ве́рнии, надгро́бную пе́снь соверша́ем Тебе́, нача́тку жи́зни на́шея, предстоя́ще гро́бу Твоему́ благоче́стно.

 

Стих:         Во век, Го́споди, сло́во Твое́ пребыва́ет на Небеси́.

Похвала:  Любо́вию, ве́рнии, ны́не у́тренююще, славосло́вим Тя, Влады́чице, Де́во Непоро́чная, и сла́вим успе́ние Твое́.

 

Стих:         В род и род и́стина Твоя́: основа́л еси́ зе́млю, и пребыва́ет.

Похвала:  Помяни́ нас во Ца́рствии Небе́снем, преставле́ние Твое́ ве́рно пою́щих, Де́во Богоневе́сто.

 

Стих:            Учине́нием Твои́м пребыва́ет де́нь, я́ко вся́ческая рабо́тна Тебе́.

Похвала:          Ны́не Си́льный, я́коже предрекла́ еси́, вели́чие Тебе́, Пречи́стая Де́во, сотвори́, Не́ба и земли́ Созда́тель.

 

Стих:            Я́ко а́ще бы не зако́н Твой поуче́ние мое́ был, тогда́ у́бо поги́бл бых во смире́нии мое́м.

Похвала:           Предстои́ши ны́не Божеству́ Триипоста́сному, лице́м к лицу́ зря́щи, иде́же ли́ца покрыва́ют Серафи́ми.

 

Стих:           Во век не забу́ду оправда́ний Твои́х, я́ко в них оживи́л мя еси́.

Похвала:           Не́бо ны́не сра́дуется земле́ и сликовству́ет, челове́цы со А́нгелы соедини́шася, преста́вльшейся Чи́стей на Не́бо.

 

Стих:            Твой е́смь аз, спаси́ мя, я́ко оправда́ний Твои́х взыска́х.

Похвала:           Иоаки́м ны́не сра́дуется сла́ве Дще́ри своея́ и Богоотрокови́цы, неизрече́нней и Боже́ственней и́стинно.

 

Стих:           Мене́ жда́ша гре́шницы погуби́ти мя, свиде́ния Твоя́ разуме́х.

Похвала:           Гефсима́ния, блаже́нный и де́вственный гроб прие́мшая, ублажа́ется, честву́ема, я́ко черто́г ца́рский.

 

Стих:            Вся́кия кончи́ны ви́дех коне́ц, широка́ за́поведь Твоя́ зело́.

Похвала:          Прииди́те, ве́рнии, свято́му гро́бу Го́спода и Всесвяты́я Его́ Ма́тере поклони́мся со стра́хом и ра́достию.

 

Стих:            Ко́ль возлюби́х зако́н Твой, Го́споди, весь день поуче́ние мое́ есть.

Похвала:          Иерусали́м обы́мем вси усе́рдно и у́зрим та́инства Бо́жия, нас ра́ди соверши́вшаяся.

 

Стих:            Па́че враг мои́х умудри́л мя еси́ за́поведию Твое́ю, я́ко в век моя́ есть.

Похвала:          А́нгели че́стно сопровожда́ют честны́й гроб Твой, Чи́стая, све́том свяще́нным молниено́сно сия́ющий, просвеща́емый све́том Бо́жиим.

 

Стих:            Па́че всех уча́щих мя разуме́х, я́ко свиде́ния Твоя́ поуче́ние мое́ есть.

Похвала:           Ужасо́шася вси ду́си возду́шнии о е́же на Небеса́ восхожде́нии Твое́м и вострепета́ша держа́вы Твоея́, Чи́стая.

 

Стих:            Па́че ста́рец разуме́х, я́ко за́поведи Твоя́ взыска́х.

Похвала:             Вострепета́ сатана́, узре́в свет сла́вы Ма́тере Бо́жия, от высоты́ молниеви́дно проше́дший да́же до а́да, и, пла́ча и стеня́, взыва́ше: что мне и Тебе́, Ма́ти Бо́жия?

 

Стих:            От вся́каго пути́ лука́ва возбрани́х нога́м мои́м, я́ко да сохраню́ словеса́ Твоя́.

Похвала:          О бога́тства Христа́ Бо́га! О безме́рная глубино́ любве́! И до́льнейшия страны́ земли́ испо́лни пресла́внаго явле́ния Ма́тере.

 

Стих:         От суде́б Твои́х не уклони́хся, я́ко Ты законоположи́л ми еси́.

Похвала:  Пре́жде нас ра́ди во ад Христо́с сни́де, ны́не же Де́ва Мариа́м взы́де на Не́бо, в ра́дость и по́мощь нам.

 

Стих:         Ко́ль сладка́ горта́ни моему́ словеса́ Твоя́, па́че ме́да усто́м мои́м.

Похвала:  Схожде́нию Бо́жию и восхожде́нию Твоему́, Де́во, покланя́юся, сла́влю я́ и чту, я́ко вины́ вхо́да моего́ в живо́т.

 

Стих:          От за́поведей Твои́х разуме́х, сего́ ра́ди возненави́дех всяк пу́ть непра́вды.

Похвала:  По́яс честны́й, во свиде́ние Твоего́ с пло́тию ны́не к Бо́гу преставле́ния, вруча́еши, Де́во, Фоме́.

 

Стих:         Свети́льник нога́ма мои́ма зако́н Твой и свет стезя́м мои́м.

Похвала:  А́ще и ны́не па́ки не приспе́ Фома́ близне́ц, но та́ин сподо́бися, пресла́вным воскресе́нием Христа́.

 

Стих:         Кля́хся и поста́вих сохрани́ти судьбы́ пра́вды Твоея́.

Похвала:  О бори́тельный и стропти́вый ро́де евре́йский! Сы́на кресту́ пре́дал еси́ и ны́не ру́це воздвиза́еши на Ма́терь.

 

Стих:         Смири́хся до зела́, Го́споди, жи́ви мя по словеси́ Твоему́.

Похвала:  Ка́ко киво́ту киво́та Бо́га Жи́ва прикосну́тися, лука́ве, дерзну́л еси́? Но пости́же суд отсече́нием.

 

Стих:         Во́льная уст мои́х благоволи́ же, Го́споди, и судьба́м Твои́м научи́ мя.

Похвала:  До́ле Тя, Чи́стая, апо́столи обстоя́ху, горе́ же си́лы срета́ху Тебе́, я́ко А́нгелов еси́ Влады́чица и сме́ртных.

 

Стих:         Душа́ моя́ в ру́ку Твое́ю вы́ну, и зако́на Твоего́ не забы́х.

Похвала:  Плач свяще́нный соверша́юще Тебе́, Де́во, взыва́ху: ка́ко Тя, Бо́жию пала́ту, покры́ем земле́ю мертволе́пно?

 

Стих:         Положи́ша гре́шницы се́ть мне, и от за́поведей Твои́х не заблуди́х.

Похвала:    Ка́ко Тя гро́бу предади́м, Чи́стая, Сы́на и Сло́ва рай слове́сный, па́че ума́ и сло́ва?

 

Стих:         Насле́довах свиде́ния Твоя́ во век, я́ко ра́дование се́рдца моего́ су́ть.

Похвала:  Словесы́ Боже́ственными богопропове́дники утеша́ющи, мно́жество ско́рби разреши́ла еси́, возглаго́лавши ма́терним о́бразом к ним, Богома́ти.

 

Стих:          Приклони́х се́рдце мое́ сотвори́ти оправда́ния Твоя́ в век за воздая́ние.

Похвала:  Ча́да Го́спода и Сы́на Моего́! Ра́дости отше́ствия Моего́ к Бо́гу не претворя́йте в плач слеза́ми ва́шими.

 

Стих:         Законопресту́пныя возненави́дех, зако́н же Твой возлюби́х.

Похвала:  Хода́таица к Бо́гу се отхожду́ превы́ше ми́ра, с ва́ми же е́смь в ми́ре при́сно, со Го́сподем, я́коже обеща́лся есть.

 

Стих:         Помо́щник мой и Засту́пник мой еси́ Ты, на словеса́ Твоя́ упова́х.

Похвала:  Ужаса́емся прикосну́тися всесвято́му и богоприе́мному те́лу Твоему́, Чи́стая, раби́ Твои́, и погребсти́ Ма́терь Живота́.

 

Стих:         Уклони́теся от мене́, лука́внующии, и испыта́ю за́поведи Бо́га моего́.

Похвала:  Ки́я оде́жды, ки́я пелены́, Де́во, и ми́ры, ки́я же надгро́бныя пе́сни погребе́нию Твоему́ принесе́м, Чи́стая?

 

Стих:         Заступи́ мя по словеси́ Твоему́, и жив бу́ду, и не посрами́ мене́ от ча́яния моего́.

Похвала:  Ца́рие зе́мстии и бога́тии лю́дстии мо́лятся лицу́ Твоему́, Де́во, я́ко Дще́ри Царя́ Небе́снаго.

 

Стих:         Помози́ ми и спасу́ся, и поучу́ся во оправда́ниих Твои́х вы́ну.

Похвала:  Бог в Ма́тери почи́ на земли́, я́ко Младе́нец, ны́не же на Не́бе почи́ет и всели́тся Ма́ти в Бо́зе.

 

Стих:         Уничижи́л еси́ вся отступа́ющия от оправда́ний Твои́х, я́ко непра́ведно помышле́ние их.

Похвала:  Ны́не Мариа́м весели́тся, всенепоро́чное те́ло Го́спода, обоже́нное, зря́щи на Престо́ле Бо́жии.

 

Стих:         Преступа́ющия непщева́х вся гре́шныя земли́, сего́ ра́ди возлюби́х свиде́ния Твоя́.

Похвала:  Ны́не услы́шала еси́ та́мо неизрече́нныя глаго́лы, Де́во, и безве́стная и та́йная прему́дрости яви́ Тебе́ Бог.

 

Стих:         Пригвозди́ стра́ху Твоему́ пло́ти моя́, от суде́б бо Твои́х убоя́хся.

Похвала:  Взя́тся от земли́ пресла́вный град Госпо́день, о не́мже пресла́вная глаго́лашася, и введе́ся в дом Бо́жий.

 

Стих:         Сотвори́х суд и пра́вду, не преда́ждь мене́ оби́дящим мя.

Похвала:  Взя́тся от земли́ земля́ неоскверне́нная и де́вственная, из Нея́же созда́ся но́вый Ада́м, пра́отца Ада́ма Созда́тель.

 

Стих:         Восприими́ раба́ Твоего́ во бла́го, да не оклевета́ют мене́ го́рдии.

Похвала:  Не́бо ны́не колесни́цу Бо́жию тьмочи́сленно Святу́ю прие́млет, со тьма́ми А́нгелов, пресла́вно.

 

Стих:         О́чи мои́ исчезо́сте во спасе́ние Твое́ и в сло́во пра́вды Твоея́.

Похвала:  Дне́сь от земли́ чи́стый и всесвяте́йший О́браз новоле́пно возно́сится та́мо, иде́же первообра́зное быва́ет.

 

Стих:          Сотвори́ с рабо́м Твои́м по ми́лости Твое́й и оправда́нием Твои́м научи́ мя.

Похвала:  Благосоде́ланный О́браз, Красоту́ земли́ преизоби́льную, ны́не боголе́пно прелага́ет Бог на Не́бо.

 

Стих:         Раб Твой е́смь аз, вразуми́ мя, и уве́м свиде́ния Твоя́.

Похвала:  Кни́га та́инственная, в не́йже написа́ся Бо́жие Сло́во, в ру́це Бо́га полага́ется, в написа́ние Небе́сных та́ин.

 

Стих:         Вре́мя сотвори́ти Го́сподеви, разори́ша зако́н Твой.

Похвала:  Я́ко голуби́ца, уя́звленная любо́вию, Де́во, Престо́л Бо́жий облета́еши, отлете́вши от гнезда́, е́же на земли́.

 

Стих:         Сего́ ра́ди возлюби́х за́поведи Твоя́ па́че зла́та и топа́зия.

Похвала:  Земли́ и Не́ба Всецари́це, Ди́вная Мари́е, в Ца́рство введи́ сла́вящих успе́ние Твое́.

 

Стих:         Сего́ ра́ди ко всем за́поведем Твои́м направля́хся, всяк пу́ть непра́вды возненави́дех.

Похвала:  Успи́, Чи́стая, успе́нием Твои́м живоно́сным, утиши́ Це́ркве собла́зны и утверди́ ю́, я́ко Блага́я.

 

Стих:         Ди́вна свиде́ния Твоя́, сего́ ра́ди испыта́ я́ душа́ моя́.

Похвала:  Воспева́ем ны́не успе́ние и погребе́ние Твое́, Чи́стая, и вси ве́рно ублажа́ем Тя, иску́плени от сме́рти Твои́м Рожде́нием.

 

Стих:         Явле́ние слове́с Твои́х просвеща́ет и вразумля́ет младе́нцы.

Похвала:  Тя, Одр честны́й, святы́й и богоприе́мный, на одре́ че́стно зря́ще, апо́столи вопия́ху со пла́чем.

 

Стих:         Уста́ моя́ отверзо́х и привлеко́х дух, я́ко за́поведей Твои́х жела́х.

Похвала:  Наляцы́, Честна́я, Присноде́вая Де́во Мари́е, и успева́й, и ца́рствуй во ве́ки веко́в с Бо́гом.

 

                     Две последние похвалы поются на «Слава» и на «И ныне», после чего вновь поется первая похвала:

Стих:         Сла́ва Отцу́, и Сы́ну, и Свято́му Ду́ху.

Похвала:  Безнача́льне Бо́же, Соприсносу́щне Сло́ве и Ду́ше Святы́й, вознеси́ рог христиа́н, я́ко Всеми́лостивый и Благи́й.

 

Стих:         И ны́не, и при́сно, и во ве́ки веко́в. Ами́нь.

Похвала:  Жи́знь ро́ждшая, Всенепоро́чная Чи́стая Де́во, и к Жи́зни преста́вльшаяся ны́не, и́стинныя жи́зни сподо́би и вся ве́рныя.

 

Похвала:  Досто́йно есть велича́ти Тя, Жизнода́вца, возвели́чившаго живоно́сное преставле́ние Ма́тере Твоея́ Чи́стыя.

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко святи́ся и просла́вися всечестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:     Ами́нь.

Статия́ тре́тья:

Стих:         При́зри на мя и поми́луй мя, по суду́ лю́бящих и́мя Твое́.

Похвала:  Ро́ди вси пе́снь погребе́нию Твоему́ прино́сят, Де́во.

 

Стих:         Стопы́ моя́ напра́ви по словеси́ Твоему́, и да не облада́ет мно́ю вся́кое беззако́ние.

Похвала:  Гряди́ се́мо, вся тва́рь, пе́сни исхо́дныя принесе́м Де́ве.

 

Стих:         Изба́ви мя от клеветы́ челове́ческия, и сохраню́ за́поведи Твоя́.

Похвала:  Ученицы́ Христа́ моего́ погреба́ют те́ло Ма́тере Бо́га моего́.

 

Стих:         Лице́ Твое́ просвети́ на раба́ Твоего́ и научи́ мя оправда́нием Твои́м.

Похвала:  А́нгелов и Арха́нгелов чи́ни, предстоя́ще, воспева́ют неви́димо.

 

Стих:          Исхо́дища водна́я изведо́сте о́чи мои́, поне́же не сохрани́х зако́на Твоего́.

Похвала:  Жены́ честны́я со апо́столы вопия́ху, пла́чуще.

 

Стих:         Пра́веден еси́, Го́споди, и пра́ви суди́ Твои́.

Похвала:  Неискусому́жная Де́во, Ма́ти Бо́га Вы́шняго, ка́ко стерпи́м боле́знь?

 

Стих:         Запове́дал еси́ пра́вду, свиде́ния Твоя́, и и́стину зело́.

Похвала:  Твое́ ны́не отше́ствие – ра́дость всему́ ми́ру, нам же плач ско́рбный.

 

Стих:         Иста́яла мя есть ре́вность Твоя́, я́ко забы́ша словеса́ Твоя́ врази́ мои́.

Похвала:  От Ма́терния любве́ Твоея́ и попече́ния Твоего́ да не оста́нем си́ры.

 

Стих:         Разжже́но сло́во Твое́ зело́, и раб Твой возлюби́ е́.

Похвала:    Све́те наш, Де́во, ка́ко стерпи́м не зре́ти Твоего́ сла́дкаго о́ка?

 

Стих:         Юне́йший аз е́смь и уничиже́н, оправда́ний Твои́х не забы́х.

Похвала:  Ка́ко боголю́бная Твоя́ и богосло́вная уста́ молча́нием, увы́, связа́шася?

 

Стих:         Пра́вда Твоя́ пра́вда во век, и зако́н Твой и́стина.

Похвала:  От Ма́тере Учи́теля на́шего не отсту́пим, апо́столи вопия́ху.

 

Стих:         Ско́рби и ну́жды обрето́ша мя, за́поведи Твоя́ поуче́ние мое́.

Похвала:  На о́блацех па́ки предпо́слем Тя, Де́во, до Небе́сных.

 

Стих:         Пра́вда свиде́ния Твоя́ в век, вразуми́ мя, и жив бу́ду.

Похвала:  Жезл святы́й, положе́нный во гро́бе, жи́знь израща́ет.

 

Стих:          Воззва́х всем се́рдцем мои́м, услы́ши мя, Го́споди, оправда́ния Твоя́ взыщу́.

Похвала:    Во гро́бе положи́ся ме́ртвыя от гробо́в Воздви́гшая Рождество́м Свои́м.

 

Стих:         Воззва́х Ти, спаси́ мя, и сохраню́ свиде́ния Твоя́.

Похвала:  Ка́мо отхо́диши, Ма́ти? Друг и де́вственник сыноле́пно вопия́ше.

 

Стих:         Предвари́х в безго́дии и воззва́х, на словеса́ Твоя́ упова́х.

Похвала:  В ра́дость Сы́на Твоего́ отхо́диши, Богома́ти, и весели́шися, и ра́дуешися.

 

Стих:         Предвари́сте о́чи мои́ ко у́тру, поучи́тися словесе́м Твои́м.

Похвала:  Еда́ па́ки в Ка́ну на брак ны́не позвана́ еси́ со апо́столы?

 

Стих:          Глас мой услы́ши, Го́споди, по ми́лости Твое́й, по судьбе́ Твое́й живи́ мя.

Похвала:  Поими́, Де́во, к Боже́ственному Твоему́ Сы́ну и мене́ ны́не, Твое́ ча́до.

 

Стих:          Прибли́жишася гоня́щии мя беззако́нием, от зако́на же Твоего́ удали́шася.

Похвала:  Преста́ви мя, Ма́ти, ны́не Твои́м преставле́нием к Ро́ждшемуся из Тебе́.

 

Стих:         Близ еси́ Ты, Го́споди, и вси путие́ Твои́ и́стина.

Похвала:  Да сопредстои́м на Небеси́ сла́ве, я́коже при Кресте́ страда́нию.

 

Стих:         Испе́рва позна́х от свиде́ний Твои́х, я́ко в век основа́л я́ еси́.

Похвала:  Со тьма́ми умо́в сни́де Влады́ка: Гефсима́ние, весели́ся.

 

Стих:         Ви́ждь смире́ние мое́ и изми́ мя, я́ко зако́на Твоего́ не забы́х.

Похвала:  Ученико́в лик, весели́ся, зря Го́спода во сла́ве.

 

Стих:         Суди́ суд мой и изба́ви мя, словесе́ ра́ди Твоего́ живи́ мя.

Похвала:  Вся земля́ да взыгра́ет, Бо́га, па́ки сходя́ща, дне́сь зря́щи.

 

Стих:         Дале́че от гре́шник спасе́ние, я́ко оправда́ний Твои́х не взыска́ша.

Похвала:  Изы́дем ско́ро во сре́тение Го́спода, па́ки снизше́дшаго.

 

Стих:         Щедро́ты Твоя́ мно́ги, Го́споди, по судьбе́ Твое́й живи́ мя.

Похвала:  Да услы́шим вси Бо́га, собесе́дующа ны́не Ма́тери Всенепоро́чней.

 

Стих:          Мно́зи изгоня́щии мя и стужа́ющии ми, от свиде́ний Твои́х не уклони́хся.

Похвала:  О Сладча́йшая Ма́ти, к Сладча́йшему Сы́ну прииди́, ра́дующися.

 

Стих:         Ви́дех неразумева́ющия и иста́ях, я́ко слове́с Твои́х не сохрани́ша.

Похвала:  Ви́ждь, се ны́не Сын Твой прии́де во Своя́ Тебе́ прия́ти.

 

Стих:          Ви́ждь, я́ко за́поведи Твоя́ возлюби́х, Го́споди, по ми́лости Твое́й живи́ мя.

Похвала:  Приидо́х, глаго́лет, да пред лице́м сла́вы Отца́ яви́тся сла́ва Ма́тере Мое́я.

 

Стих:         Нача́ло слове́с Твои́х и́стина, и во век вся судьбы́ пра́вды Твоея́.

Похвала:       Сла́влю Твое́, Бо́же Мой, к Сы́ну Ма́терь глаго́лет, кра́йнее благоутро́бие.

 

Стих:         Кня́зи погна́ша мя ту́не, и от слове́с Твои́х убоя́ся се́рдце мое́.

Похвала:  Сла́влю Тя, Сы́не Мой, и покланя́юся сла́ве Твоего́ вели́чествия.

 

Стих:         Возра́дуюся аз о словесе́х Твои́х, я́ко обрета́яй коры́сть мно́гу.

Похвала:  Близ Отца́ Моего́ прииди́, бли́жняя Моя́, от земли́ воста́вши.

 

Стих:         Непра́вду возненави́дех и омерзи́х, зако́н же Твой возлюби́х.

Похвала:  Ты сад заключе́нный, иде́же дре́во жи́зни и безсме́ртия.

 

Стих:         Седмери́цею днем хвали́х Тя о судьба́х пра́вды Твоея́.

Похвала:    Ты еси́ исто́чник запечатле́нный, в не́мже пото́к сла́дости всенеизрече́нныя.

 

Стих:         Мир мног лю́бящим зако́н Твой, и не́сть им собла́зна.

Похвала:  Песносло́влю, Сы́не Мой, Божества́ Твоего́ Пребоже́ственнаго держа́ву.

 

Стих:         Ча́ях спасе́ния Твоего́, Го́споди, и за́поведи Твоя́ возлюби́х.

Похвала:  Песносло́влю, Бо́же мой, снизхожде́ние Твое́ и человеколю́бие.

 

Стих:         Сохрани́ душа́ моя́ свиде́ния Твоя́ и возлюби́ я́ зело́.

Похвала:    Прииди́, кра́сная Моя́, да наслажда́ешися красоты́ Сы́на Твоего́ и Созда́теля.

 

Стих:         Сохрани́х за́поведи Твоя́ и свиде́ния Твоя́, я́ко вси путие́ моя́ пред Тобо́ю, Го́споди.

Похвала:  Прииди́, Ма́ти Моя́, в ра́дость Боже́ственную и в Ца́рство.

 

Стих:         Да прибли́жится моле́ние мое́ пред Тя, Го́споди, по словеси́ Твоему́ вразуми́ мя.

Похвала:  Прииди́, Мари́е, иде́же спокланя́емь есть Оте́ц, Сын и Дух.

 

Стих:          Да вни́дет проше́ние мое́ пред Тя, Го́споди, по словеси́ Твоему́ изба́ви мя.

Похвала:  Что Ти возда́м, Богочелове́че Сы́не Мой, Раба́ Влады́це?

 

Стих:         Отры́гнут устне́ мои́ пе́ние, егда́ научи́ши мя оправда́нием Твои́м.

Похвала:  Что ны́не Ти принесу́ на Небеси́, Бо́же Мой, а́ще не ду́шу и те́ло?

 

Стих:         Провеща́ет язы́к мой словеса́ Твоя́.

Похвала:  Сла́влю Отца́, воспева́ю Тя, Сы́на Моего́, и покланя́юся Ду́ху.

 

Стих:         Я́ко вся за́поведи Твоя́ пра́вда.

Похвала:  Сла́ва Тебе́, Богоро́дице, сла́ва Твоему́ рождеству́, сла́ва и успе́нию.

 

Стих:         Да бу́дет рука́ Твоя́, е́же спасти́ мя, я́ко за́поведи Твоя́ изво́лих.

Похвала:  Ада́м и Е́ва чудя́хуся, зря́ще сла́ву Де́вы.

 

Стих:              Возжела́х спасе́ние Твое́, Го́споди, и зако́н Твой поуче́ние мое́ есть.

Похвала:  Иоаки́м и А́нна, блаже́ни есте́, ро́ждше ми́рови Дще́рь.

 

Стих:         Жи́ва бу́дет душа́ моя́ и восхва́лит Тя, и судьбы́ Твоя́ помо́гут мне.

Похвала:  Препросла́вленную, в превы́спренняя всели́вшуюся, я́ко Ма́терь Бо́жию.

 

Стих:         Заблуди́х, я́ко овча́ поги́бшее, взыщи́ раба́ Твоего́, я́ко за́поведей Твои́х не забы́х.

Похвала:  Мир Це́ркви, лю́дем Твои́м спасе́ние да́руй Твои́м успе́нием.

 

                     Две последние похвалы поются на «Слава» и на «И ныне», после чего вновь поется первая похвала:

Стих:         Сла́ва Отцу́, и Сы́ну, и Свято́му Ду́ху.

Похвала:  О Тро́ице, Бо́же мой, О́тче, Сы́не и Ду́ше, поми́луй мир.

 

Стих:         И ны́не, и при́сно, и во ве́ки веко́в. Ами́нь.

Похвала:  Ви́дети Сы́на Твоего́ Ца́рство сподо́би, Де́во, Твоя́ рабы́.

 

Похвала:  Ро́ди вси пе́снь погребе́нию Твоему́ прино́сят, Де́во.

 

Благослове́нны, глас 5:

Хор:            Благослове́нная Влады́чице,/ просвети́ мя све́том Сы́на Твоего́.

              А́нгельский собо́р удиви́ся,/ зря Тебе́ в ме́ртвых вмени́вшуюся,/ ду́шу же в ру́це Бо́га преда́вшую/ и с Бо́гом возше́дшую, Пренепоро́чная,// со сла́вою Боже́ственною в Небе́сная.

              Благослове́нная Влады́чице,/ просвети́ мя све́том Сы́на Твоего́.

              Почто́ ра́дость со слеза́ми,/ Богопропове́дницы, растворя́ете?/ Прише́д близне́ц, свы́ше вразумля́емь,/ приглаша́ше апо́столом:/ ви́дите вы по́яс и уразуме́йте,// Де́ва воскре́се от гро́ба.

              Благослове́нная Влады́чице,/ просвети́ мя све́том Сы́на Твоего́.

              Учени́к, неве́ривый, Влады́чице,/ Воскресе́нию Сы́на Твоего́,/ ны́не уверя́ет про́чих о воста́нии Твое́м, глаго́ля:/ рыда́ния вре́мя преста́, не пла́чите,// воскресе́ние же Де́вы рцы́те.

              Благослове́нная Влады́чице,/ просвети́ мя све́том Сы́на Твоего́.

              Богоно́сным, Де́во, ученико́м,/ собра́вшимся ко гро́бу Твоему́ и рыда́ющим,/ яви́выйся Фома́ рече́, глаго́ля:/ что с ме́ртвыми Живу́ю помышля́ете?// Воскре́се бо, я́ко Бо́га Роди́тельница.

              Сла́ва Отцу́ и Сы́ну и Свято́му Ду́ху.

              Поклони́мся Отцу́,/ и Его́ Сы́нови, и Свято́му Ду́ху,/ Святе́й Тро́ице во Еди́ном Существе́,/ с Серафи́мы зову́ще:// Свят, Свят, Свят еси́, Го́споди.

              И ны́не, и при́сно, и во ве́ки веко́в. Ами́нь.

              Жизнода́вца ро́ждши,/ к жи́зни нестаре́емей прешла́ еси́,/ ра́дость же, Де́во, в печа́ли ме́сто подала́ еси́ ученико́м,/ из гро́ба тридне́вно воста́вшая Де́во,// я́коже и Госпо́дь.         

              Аллилу́иа, аллилу́иа, аллилу́иа, сла́ва Тебе́, Бо́же. (Трижды)

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Тя хва́лят вся си́лы Небе́сныя, Отца́, и Сы́на, и Свята́го Ду́ха, и Тебе́ сла́ву возсыла́ют ны́не, и при́сно, и во ве́ки веко́в.

Хор:     Ами́нь.

После Похвал:

Степе́нна, глас 4:

1 антифо́н:

Хор:       От ю́ности моея́/ мно́зи бо́рют мя стра́сти,/ но Сам мя заступи́// и спаси́, Спа́се мой.

              Ненави́дящии Сио́на,/ посрами́теся от Го́спода,/ я́ко трава́ бо огне́м// бу́дете изсо́хше.

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Святы́м Ду́хом/ вся́ка душа́ живи́тся,/ и чистото́ю возвыша́ется,// светле́ется Тро́йческим еди́нством, священнота́йне.

 

Проки́мен Успе́ния и чте́ние Ева́нгелия:

Диакон:   Во́нмем. Прему́дрость во́нмем. Проки́мен, глас четве́ртый: Помяну́ и́мя Твое́/ во вся́ком ро́де и ро́де.

Хор:     Помяну́ и́мя Твое́/ во вся́ком ро́де и ро́де.

 

Диакон:   Слы́ши, Дщи, и виждь, и приклони́ у́хо Твое́.

Хор:     Помяну́ и́мя Твое́/ во вся́ком ро́де и ро́де.

 

Диакон:   Помяну́ и́мя Твое́

Хор:     Во вся́ком ро́де и ро́де.

 

Диакон:   Го́споду помо́лимся.

Хор:     Го́споди, поми́луй.

 

Иерей:     Я́ко Свят еси́ Бо́же наш, и во святы́х почива́еши, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Диакон:   Вся́кое дыха́ние да хва́лит Го́спода.

Хор:     Вся́кое дыха́ние да хва́лит Го́спода.

 

Диакон:   Хвали́те Бо́га во святы́х Его́, хвали́те Его́ во утверже́нии си́лы Его́.

Хор:     Вся́кое дыха́ние да хва́лит Го́спода.

 

Диакон:   Вся́кое дыха́ние.

Хор:     Да хва́лит Го́спода.

 

Диакон:   И о сподо́битися нам слы́шанию Свята́го Ева́нгелия, Го́спода Бо́га мо́лим.

Хор:     Го́споди, поми́луй. (Трижды)

 

Диакон:   Прему́дрость, про́сти, услы́шим Свята́го Ева́нгелия.

Иерей:     Мир всем.

Хор:     И ду́хови твоему́.

 

Иерей:     От Луки́ Свята́го Ева́нгелия чте́ние.

Хор:     Сла́ва, Тебе́, Го́споди, сла́ва Тебе́.

Диакон:   Во́нмем.

                     (Евангелие Успения Лк., зач.4: гл.1, стт.39-49, 56:)    

Иерей:     Во дни о́ны, воста́вши, Мариа́м, и́де в го́рняя со тща́нием, во град Иу́дов. И вни́де в дом Заха́риин, и целова́ Елисаве́т. И бысть я́ко услы́ша Елисаве́т целова́ние Мари́ино, взыгра́ся младе́нец во чре́ве ея́: и испо́лнися Ду́ха Свя́та Елисаве́т. И возопи́ гла́сом ве́лиим, и рече́: благослове́на Ты в жена́х, и благослове́н плод чре́ва Твоего́. И отку́ду мне сие́, да прии́де Ма́ти Го́спода моего́ ко мне? Се бо, я́ко бысть глас целова́ния Твоего́ во у́шию мое́ю, взыгра́ся младе́нец ра́дощами во чре́ве мое́м. И блаже́нна Ве́ровавшая, я́ко бу́дет соверше́ние глаго́ланным Ей от Го́спода. И рече́ Мариа́м: вели́чит душа́ Моя́ Го́спода, и возра́довася дух Мой о Бо́зе Спа́се Мое́м. Я́ко призре́ на смире́ние Рабы́ Своея́: се бо, отны́не ублажа́т Мя вси ро́ди. Я́ко сотвори́ Мне вели́чие Си́льный, и свя́то и́мя Его́. Пребы́сть же Мариа́мь с не́ю я́ко три ме́сяцы, и возврати́ся в дом Свой.

Хор:     Сла́ва, Тебе́, Го́споди, сла́ва Тебе́.

 

Псало́м 50:

Чтец:    Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз зна́ю и грех мой предо мно́ю есть вы́ну. Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския, тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.

 

                     Глас 6:

Хор:     Сла́ва Отцу́ и Сы́ну и Свято́му Ду́ху./ Моли́твами Богоро́дицы,/ Ми́лостиве, очи́сти// мно́жество согреше́ний на́ших.

              И ны́не и при́сно и во ве́ки веко́в. Ами́нь./ Моли́твами Богоро́дицы,/ Ми́лостиве, очи́сти// мно́жество согреше́ний на́ших.

              Поми́луй мя, Бо́же,/ по вели́цей ми́лости Твое́й,/ и по мно́жеству щедро́т Твои́х// очи́сти беззако́ние мое́.

                     Стихира Успения, глас 6:

Стихира:         Егда́ преставле́ние пречи́стаго Твоего́ те́ла готовля́шеся,/ тогда́ апо́столи, обстоя́ще одр,/ с тре́петом зря́ху Тя;/ и о́ви у́бо, взира́юще на те́ло,/ у́жасом одержи́ми бя́ху,/ Петр же со слеза́ми вопия́ше Ти:/ О Де́во,/ ви́жду Тя я́сно просте́рту про́сту,/ Живота́ всех, и удивля́юся,/ в Не́йже всели́ся бу́дущия жи́зни наслажде́ние./ Но, о Пречи́стая,/ моли́ся приле́жно Сы́ну и Бо́гу Твоему́// спасти́ся ста́ду Твоему́ невреди́му.

 

Диакон:     Спаси́, Бо́же, лю́ди Твоя́ и благослови́ достоя́ние Твое́, посети́ мир Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Сил безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших: святи́теля Михаи́ла, пе́рвого митрополи́та Ки́евскаго, первосвяти́телей Моско́вских и всея́ Руси́: Петра́, Алекси́я, Ио́ны, Мака́рия, Фили́ппа, И́ова, Ермоге́на и Ти́хона, митрополи́тов Моско́вских Филаре́та, Инноке́нтия и Мака́рия. Святы́х, сла́вных и добропобе́дных му́чеников, новому́чеников и испове́дников Це́ркве Ру́сския: Влади́мира, митрополи́та Ки́евскаго, Вениами́на, митрополи́та Петрогра́дского, Петра́, митрополи́та Крути́цкаго, Иларио́на, архиепи́скопа Вере́йскаго, святы́х ца́рственных страстоте́рпцев, преподобному́чениц вели́кия княги́ни Елисаве́ты и и́нокини Варва́ры, преподо́бных и богоно́сных оте́ц на́ших, преподо́бных оте́ц ста́рцев О́птинских, святы́х пра́ведных Иоа́нна Кроншта́дтскаго и Алекси́я Моско́вскаго, святы́х блаже́нных Ксе́нии Петербу́ржския и Матро́ны Моско́вския, святы́х и пра́ведных богооте́ц Иоаки́ма и А́нны (и святаго имярек, егоже есть храм и егоже есть день), и всех святы́х. Мо́лим Тя, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Хор:     Го́споди, поми́луй. (12 раз)

 

Иерей:     Ми́лостию и щедро́тами и человеколю́бием единоро́днаго Твоего́ Сы́на, с Ни́мже благослове́н еси́, со Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в.

Хор:     Ами́нь.

 

Кано́н:

Песнь 1:

Кано́н Успе́ния (пе́рвый), глас 1:

Ирмос:    Преукраше́нная Боже́ственною сла́вою,/ свяще́нная и сла́вная, Де́во, па́мять Твоя́/ вся собра́ к весе́лию ве́рныя,/ начина́ющей Мариа́ме, с ли́ки и тимпа́ны,/ Твоему́ пою́щия Единоро́дному:// сла́вно я́ко просла́вися. (Дважды)

 

Припев:    Пресвята́я Богоро́дице, спаси́ нас.

Тропарь:  Да провожда́ют невеще́ственнии чи́нове/ небоше́ственное в Сио́н Боже́ственное те́ло Твое́,/ внеза́пу же сте́кшеся апо́стол мно́жество от коне́ц, Богоро́дице, Тебе́ предста́ша а́бие,// с ни́миже, Чи́стая, Твою́ честну́ю, Де́во, па́мять сла́вим.

 

Припев:    Пресвята́я Богоро́дице, спаси́ нас.

Тропарь:    Побе́дныя по́чести взяла́ еси́ на естество́, Чи́стая, Бо́га ро́ждши,/ оба́че же, подо́бящися Творцу́ Твоему́ и Сы́ну,/ па́че естества́ повину́ешися есте́ственным зако́ном.// Те́мже уме́рши, с Сы́ном востае́ши, ве́чнующи.

 

Кано́н Успе́ния (второ́й), глас 4:

Припев:    Сла́ва Отцу́ и Сы́ну и Свято́му Ду́ху.

Тропарь:  Де́вы отрокови́цы, с Мариами́ею проро́чицею песнь исхо́дную ны́не воскли́кните:// Де́ва бо и еди́на Богома́ти ко прия́тию Небе́сному преставля́ется.  

 

Припев:    И ны́не и при́сно и во ве́ки веко́в. Ами́нь.

Тропарь:  Досто́йно, я́ко одушевле́нное Тя Не́бо, прия́ша Небе́сная, Пречи́стая, Боже́ственная селе́ния,// и предста́, све́тло укра́шена, я́ко Неве́ста, Всенепоро́чная, Царю́ и Бо́гу.

 

Катава́сия Успе́ния, глас 4:

Хор:      Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,// и воспою́, ра́дуяся, Тоя́ успе́ние.

 

Песнь 3:

Кано́н Успе́ния (пе́рвый), глас 1:

Ирмос:    Соде́тельная и содержи́тельная всех/ Бо́жия Му́дросте и Си́ло,/ непрекло́нну, недви́жиму Це́рковь утверди́, Христе́,/ еди́н бо еси́ Свят,// во святы́х почива́яй. (Дважды)

 

Припев:    Пресвята́я Богоро́дице, спаси́ нас.

Тропарь:  Жену́ Тя ме́ртвенну, но па́че естества́ и Ма́терь Бо́жию/ ви́девше, Всенепоро́чная, сла́внии апо́столи/ ужа́сно прикаса́хуся рука́ми сла́вою облиста́ющей,// я́ко богоприя́тное Селе́ние ви́дяще.

 

Припев:    Пресвята́я Богоро́дице, спаси́ нас.

Тропарь:  Пости́же ру́це досади́тельныя де́рзаго, усече́нием суд нане́с,/ Бо́гу сохра́ньшу честь одушевле́нному Киво́ту, сла́вою Божества́,// в Не́мже Сло́во плоть бысть.

 

Кано́н Успе́ния (второ́й), глас 4:

Припев:    Сла́ва Отцу́ и Сы́ну и Свято́му Ду́ху.

Тропарь:  От ме́ртвых чресл произве́дшися, естество́м подо́бна, Чи́стая, исхожде́ние разреши́,/ ро́ждши же су́щую Жизнь,// к Жи́зни преста́вися Боже́ственней и Ипоста́сней.  

 

              И ны́не и при́сно и во ве́ки веко́в. Ами́нь.

Тропарь:  Лик Богосло́вов от коне́ц, свы́ше же А́нгел мно́жества/ к Сио́ну идя́ху всеси́льным манове́нием,// достодо́лжно, Влады́чице, Твоему́ погребе́нию служа́ще.

 

Катава́сия Успе́ния, глас 4:

Хор:     Твоя́ песносло́вцы, Богоро́дице,/ живы́й и незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней па́мяти Твое́й// венце́в сла́вы сподо́би.

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Ипакои́ Успе́ния, глас 8:

              Блажи́м Тя, вси ро́ди, Богоро́дице Де́во,/ в Тя бо Невмести́мый Христо́с Бог наш вмести́тися благоволи́./ Блаже́ни есмы́ и мы, предста́тельство Тя иму́ще:/ день бо и нощь мо́лишися о нас и ро́ди христиа́нстии Твои́ми моли́твами утвержда́ются./ Тем, воспева́юще, вопие́м Ти:// ра́дуйся, Благода́тная, Госпо́дь с Тобо́ю.

 

Песнь 4:

Кано́н Успе́ния (пе́рвый), глас 1:

Ирмос:    Ре́чи проро́ков и гада́ния/ воплоще́ние прояви́ша от Де́вы Твое́, Христе́:/ сия́ние блиста́ния Твоего́ во свет язы́ков изы́дет,/ и возгласи́т Тебе́ бе́здна с весе́лием:// си́ле Твое́й сла́ва, Человеколю́бче. (Дважды)

 

Припев:    Пресвята́я Богоро́дице, спаси́ нас.

Тропарь:  Ви́дите, лю́дие, и чуди́теся:/ Гора́ бо свята́я и я́вственная Бо́гу в Небе́сныя оби́тели превы́шше взе́млется,// Не́бо земно́е в Небе́сное и нетле́нное селе́ние вселя́емо.

 

Припев:    Пресвята́я Богоро́дице, спаси́ нас.

Тропарь:  Жи́зни присносу́щныя и лу́чшия смерть Твоя́ бысть прехожде́ние, Чи́стая,/ от привре́менныя к Боже́ственней вои́стинну и непреходи́мей преставля́я Тя, Чи́стая,// в весе́лии Сы́на зре́ти Твоего́ и Го́спода.

 

Припев:    Пресвята́я Богоро́дице, спаси́ нас.

Тропарь:  Взя́шася две́ри Небе́сныя, и А́нгели воспе́ша,/ и прия́т Христо́с де́вства Своея́ Ма́тере сосу́д;/ Херуви́ми подъя́ша Тя с весе́лием,// Серафи́ми же сла́вят, ра́дующеся.

 

Кано́н Успе́ния (второ́й), глас 4:

Припев:    Пресвята́я Богоро́дице, спаси́ нас.

Тропарь:  Чу́до бя́ше зре́ти Не́бо всех Царя́ одушевле́нное,/ испражне́ния преходя́щее земна́я, я́ко чу́дна дела́ Твоя́!// Сла́ва си́ле Твое́й, Го́споди.

 

Припев:    Сла́ва Отцу́ и Сы́ну и Свято́му Ду́ху.

Тропарь:    А́ще и непости́жный Сея́ Плод, И́мже небеса́ бы́ша,/ погребе́ние прия́т во́лею, я́ко мертв;// ка́ко погребе́ния отве́ржется неискусобра́чно Ро́ждшая?

 

Припев:    И ны́не и при́сно и во ве́ки веко́в. Ами́нь.

Тропарь:    В преставле́нии Твое́м, Ма́ти Бо́жия, простра́ннейшее те́ло Твое́ и богоприя́тное// а́нгельская во́инства свяще́нными кри́лы тре́петом и ра́достию покрыва́ху.

 

Катава́сия Успе́ния, глас 4:

Хор:      Неизсле́дный Бо́жий Сове́т,/ е́же от Де́вы воплоще́ния/ Тебе́, Вы́шняго,/ проро́к Авваку́м, усмотря́я, зовя́ше:// сла́ва си́ле Твое́й, Го́споди.

 

Песнь 5:

Кано́н Успе́ния (пе́рвый), глас 1:

Ирмос:    Бо́жию и неизрече́нную добро́ту/ доброде́телей Твои́х, Христе́, испове́м:/ от Присносу́щныя бо Сла́вы/ Соприсносу́щное и Ипоста́сное возсия́вый Сия́ние,/ из де́вственныя утро́бы/ су́щим во тьме и се́ни вопло́щся,// возсия́л еси́ Со́лнце. (Дважды)

 

Припев:    Пресвята́я Богоро́дице, спаси́ нас.

Тропарь:  Я́ко на о́блаце, Де́во, апо́стольский лик носи́мь,/ к Сио́ну от коне́ц служи́ти Тебе́, О́блаку ле́гкому, собира́шеся:// от Нея́же Вы́шний Бог су́щим во тьме и се́ни Пра́ведное возсия́ Со́лнце.

 

Припев:    Пресвята́я Богоро́дице, спаси́ нас.

Тропарь:  Труб богоприя́тнии язы́цы богосло́вных муже́й благогла́снейше Богоро́дице вопия́ху,/ исхо́дную возглаша́юще песнь Ду́хом:/ ра́дуйся, нетле́нный Исто́чниче// Бо́жия живонача́льнаго и спаси́тельнаго всем воплоще́ния.

 

Кано́н Успе́ния (второ́й), глас 4:

Припев:    Сла́ва Отцу́ и Сы́ну и Свято́му Ду́ху.

Тропарь:  Да возглася́т трубы́ богосло́вов днесь,/ язы́к же многовеща́нный челове́ческий ны́не да восхва́лит,/ да огласи́т же возду́х, безме́рным сия́я све́том,// А́нгели да пою́т Пречи́стыя Де́вы успе́ние.  

 

Припев:    И ны́не и при́сно и во ве́ки веко́в. Ами́нь.

Тропарь:  Сосу́д подоба́ше избра́нный, пе́нием Ти весь удивля́емь, Деви́це, исхо́ден,/ весь освяще́н Бо́гови, всем богоприя́тен,// и сей и́стинно явля́емый, Богоро́дице Всепе́тая.

 

Катава́сия Успе́ния, глас 4:

Хор:     Ужасо́шася вся́ческая/ о честне́м успе́нии Твое́м:/ Ты бо, Неискусобра́чная Де́во,/ от земли́ преста́вилася еси́ к ве́чным оби́телем и к безконе́чней жи́зни,/ всем, воспева́ющим Тя,// спасе́ние подава́ющая.

 

Песнь 6:

Кано́н Успе́ния (пе́рвый), глас 1:

Ирмос:    Морски́й пучиноро́дный ки́тов вну́тренний огнь –/ тридне́внаго Твоего́ погребе́ния проображе́ние,/ его́же Ио́на проро́к показа́ся./ Спасе́н бо, я́ко и предпосла́ся, неврежде́н, вопия́ше:// пожру́ Ти со гла́сом хвале́ния, Го́споди. (Дважды)

 

Припев:    Пресвята́я Богоро́дице, спаси́ нас.

Тропарь:  Дае́т Тебе́ я́же превы́ше естества́ Царь всех Бог:/ в рождестве́ бо Де́ву я́коже сохрани́, та́ко во гро́бе те́ло соблюде́ нетле́нно/ и спросла́ви Боже́ственным преставле́нием,// честь Тебе́, я́ко Сын Ма́тери, да́руя.

 

Припев:    Пресвята́я Богоро́дице, спаси́ нас.

Тропарь:  Вои́стинну Тя, я́ко све́тел све́щник невеще́ственнаго Све́та,/ кади́льницу злату́ю Боже́ственнаго У́гля, во Свята́я святы́х всели́,/ ру́чку и жезл, скрижа́ль богопи́санную, ковче́г святы́й,// трапе́зу Сло́ва жи́зни, Де́во, Рождество́ Твое́.

 

Кано́н Успе́ния (второ́й), глас 4:

Припев:    Сла́ва Отцу́ и Сы́ну и Свято́му Ду́ху.

Тропарь:  Из Тебе́ Жизнь возсия́, ключи́ де́вства не руши́вши;/ ка́ко у́бо пречи́стое и живонача́льное Твое́ те́ло// искуше́ния сме́рти бысть прича́стно?  

 

Припев:    И ны́не и при́сно и во ве́ки веко́в. Ами́нь.

Тропарь:  Жи́зни бы́вши храм, жизнь присносу́щную улучи́ла еси́:/ сме́ртию бо к животу́ премину́ла еси́,// Я́же Жизнь ро́ждши воипоста́сную.

 

Катава́сия Успе́ния, глас 4:

Хор:     Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,// от Нея́ ро́ждшагося Бо́га сла́вим.

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Ты бо еси́ Царь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

И́кос:

                 Огради́ моя́ помышле́ния, Христе́ мой,/ и́бо Сте́ну ми́ра воспе́ти дерза́ю, Чи́стую Ма́терь Твою́,/ на столпе́ глаго́л укрепи́ мя и в тя́жких мы́слех заступи́ мя,/ Ты бо взыва́ющим и прося́щим ве́рою моле́ния исполня́еши./ Ты мне у́бо да́руй язы́к прино́сен и по́мысл непосты́ден:/ вся́кое бо дая́ние сия́ния от Тебе́ низпосыла́ется, Светопода́телю,// во утро́бу всели́выйся присноде́вственную.

 

Песнь 7:

Кано́н Успе́ния (пе́рвый), глас 1:

Ирмос:    Безсту́дней я́рости же и огню́/ Боже́ственное жела́ние сопротивля́яся,/ огнь у́бо ороша́ше,/ я́рости же смея́шеся,/ богодохнове́нною слове́сною преподо́бных тривеща́нною цевни́цею/ противовеща́я мусики́йским орга́ном посреди́ пла́мене:// препросла́вленный отце́в и наш Бо́же, благослове́н еси́. (Дважды)

 

Припев:    Пресвята́я Богоро́дице, спаси́ нас.

Тропарь:  Богоде́ланныя скрижа́ли Моисе́й, пи́санныя Боже́ственным Ду́хом, я́ростию сокруши́,/ но сего́ Влады́ка Ро́ждшую неврежде́нну в Небе́сныя сохра́нь до́мы ны́не внутрь всели́./ С Не́ю игра́юще, вопие́м Христу́:// препросла́вленный отце́в и наш Бо́же, благослове́н еси́.

 

Припев:    Пресвята́я Богоро́дице, спаси́ нас.

Тропарь:  В кимва́лех – усты́ чи́стыми, мусики́йски же – се́рдцем све́тлым,/ доброгла́сною трубо́ю – высо́кою мы́слию,/ Де́вы и Чи́стыя в наро́читый избра́нный день преставле́ния,/ де́тельными пле́щуще рука́ми, вопие́м:// препросла́вленный отце́в и наш Бо́же, благослове́н еси́.

 

Припев:    Пресвята́я Богоро́дице, спаси́ нас.

Тропарь:  Богому́дрии, собери́теся, лю́дие:/ Бо́жия бо сла́вы Селе́ние от Сио́на преставля́ется к Небе́сному жили́щу,/ иде́же глас чист пра́зднующих,/ глас несказа́ннаго ра́дования, и в весе́лии вопию́щих Христу́:// препросла́вленный отце́в и наш Бо́же, благослове́н еси́.

 

Кано́н Успе́ния (второ́й), глас 4:

Припев:    Пресвята́я Богоро́дице, спаси́ нас.

Тропарь:    Ю́ноши и де́вы, Де́выя же и Богома́тере па́мять чту́ще,/ ста́рцы, и мона́си, ца́рие и судии́, по́йте:// оте́ц на́ших Го́споди и Бо́же, благослове́н еси́.

 

Припев:    Сла́ва Отцу́ и Сы́ну и Свято́му Ду́ху.

Тропарь:    Да востру́бят трубо́ю духо́вною го́ры Небе́сныя,/ да ра́дуются хо́лми, и да игра́ют Боже́ственнии апо́столи:// Цари́ца к Сы́ну преставля́ется, с Ним ца́рствующи.

 

Припев:    И ны́не и при́сно и во ве́ки веко́в. Ами́нь.

Тропарь:  Всесвяще́нное преставле́ние Боже́ственныя Твоея́ и Нетле́нныя Ма́тере/ преми́рныя Вы́шних сил совокупи́ чи́ны,/ весели́тися с су́щими на земли́, Тебе́ пою́щими:// Бо́же, благослове́н еси́.

 

Катава́сия Успе́ния, глас 4:

Хор:     Не послужи́ша тва́ри Богому́дрии,/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:// препе́тый отце́в Госпо́дь и Бог, благослове́н еси́.

 

Песнь 8:

Кано́н Успе́ния (пе́рвый), глас 1:

Ирмос:     Пла́мень, ороша́ющ преподо́бныя,/ злочести́выя же попаля́ющ,/ А́нгел Бо́жий всемо́щный показа́ отроко́м,/ живонача́льный же исто́чник соде́ла Богоро́дицу,/ тлю сме́рти и живо́т точа́щу пою́щим:/ Соде́теля еди́наго пои́м, изба́вленнии,// и превозно́сим во вся ве́ки. (Дважды)

 

Припев:    Пресвята́я Богоро́дице, спаси́ нас.

Тропарь:  Глаго́лы после́доваху Боже́ственному Ковче́гу свяще́нному/ все мно́жество Богосло́вов в Сио́не:/ ка́мо и́деши ны́не, Ски́ние, – зову́ще, – Бо́га Жива́го?/ Не преста́й призира́ющи ве́рою пою́щия:// Соде́теля еди́наго пое́м, изба́вленнии, и превозно́сим во вся ве́ки.

 

Припев:    Пресвята́я Богоро́дице, спаси́ нас.

Тропарь:  Я́коже, возде́вши ру́це, исхо́диши, Всенепоро́чная,/ ру́це, и́миже Бо́га носи́ла еси́ пло́тию,/ со дерзнове́нием, я́ко Ма́ти, рекла́ еси́ к Рожде́нному:/ я́же Ми дал еси́, во ве́ки сохрани́, вопию́щия Тебе́:// Соде́теля еди́наго пое́м, изба́вленнии, и превозно́сим во вся ве́ки.

 

Кано́н Успе́ния (второ́й), глас 4:

Припев:    Пресвята́я Богоро́дице, спаси́ нас.

Тропарь:  Па́мять Твою́, Чи́стая Де́во,/ Нача́ла же, и Вла́сти, и Си́лы, А́нгели, Арха́нгели,/ Престо́ли, Госпо́дьства, Херуви́ми сла́вят и стра́шнии Серафи́ми;// челове́ческий же род – пое́м и превозно́сим во вся ве́ки.

 

Припев:    Благослови́м Отца́, и Сы́на, и Свята́го Ду́ха, Го́спода.

Тропарь:  И́же стра́нно всели́выйся, Богоро́дице, в чи́стое чре́во Твое́, воплоща́емь,/ Сей, всесвяще́нный дух Твой прие́м,/ у Себе́ упоко́и, я́ко должни́к Сын.// Те́мже Тя пое́м, Де́во, и превозно́сим во вся ве́ки.

 

Припев:    И ны́не и при́сно и во ве́ки веко́в. Ами́нь.

Тропарь:  О, вы́ше ума́ чуде́с Присноде́вы же и Богома́тере!/ Во гроб бо все́льшися, показа́ рай./ Ему́же предстоя́ще днесь, ра́дующеся, пое́м:// Го́спода по́йте, дела́, и превозноси́те Его́ во вся ве́ки.

 

Катава́сия Успе́ния, глас 4:

Хор:     Хва́лим, благослови́м, покланя́емся Го́сподеви, пою́ще и превознося́ще во вся ве́ки.

              О́троки благочести́выя в пещи́/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,// и превозноси́те Его́ во вся ве́ки.

 

«Честнейшую» не поем, но поем припевы праздника.

 

Диакон:   А́нгели, успе́ние Пречи́стыя ви́девше, удиви́шася, ка́ко Де́вая восхо́дит от земли́ на Не́бо.

 

Песнь 9:

                     Хор поет ирмос и припевы, чтец читает тропари:

Кано́н Успе́ния (пе́рвый), глас 1:

Ирмос:    Побежда́ются естества́ уста́вы/ в Тебе́, Де́во Чи́стая:/ де́вствует бо рождество́ и живо́т предобруча́ет смерть;/ по рождестве́ Де́ва и по сме́рти жива́,// спаса́еши при́сно, Богоро́дице, насле́дие Твое́.

 

Припев:    А́нгели, успе́ние Пречи́стыя ви́девше, удиви́шася,/ ка́ко Де́вая восхо́дит от земли́ на Не́бо.

Ирмос:    Побежда́ются естества́ уста́вы/ в Тебе́, Де́во Чи́стая:/ де́вствует бо рождество́ и живо́т предобруча́ет смерть;/ по рождестве́ Де́ва и по сме́рти жива́,// спаса́еши при́сно, Богоро́дице, насле́дие Твое́.

 

Припев:    А́нгели, успе́ние Пречи́стыя ви́девше, удиви́шася,/ ка́ко Де́вая восхо́дит от земли́ на Не́бо.

Тропарь:    Дивля́хуся А́нгельския си́лы, в Сио́не смотря́юще своего́ Влады́ку,/ же́нскую ду́шу рука́ми нося́щаго,/ пречи́сто бо Ро́ждшей сыноле́пно провозглаша́ше:// гряди́, Чи́стая, с Сы́ном и Бо́гом просла́влена бу́ди.

 

Припев:    А́нгели, успе́ние Пречи́стыя ви́девше, удиви́шася,/ ка́ко Де́вая восхо́дит от земли́ на Не́бо.

Тропарь:  Опря́та лик апо́стольский богоприя́тное те́ло Твое́,/ со стра́хом зря́ще и гла́сом ве́лиим веща́юще:// в Небе́сныя до́мы к Сы́ну восходя́щи, спаса́еши при́сно, Богоро́дице, насле́дие Твое́.

 

Кано́н Успе́ния (второ́й), глас 4:

Припев:     Велича́й, душе́ моя́,/ от земли́ на Не́бо честно́е преставле́ние Бо́жия Ма́тере.

Тропарь:  Прииди́те в Сио́н, на Боже́ственную и ту́чную Го́ру жива́го Бо́га,/ возра́дуемся, Богоро́дицу зря́ще:/ к зело́ бо лу́чшей и Боже́ственней се́ни,// я́ко Ма́терь, Сию́ во Свята́я святы́х Христо́с преста́ви.

 

Припев:     Велича́й, душе́ моя́,/ от земли́ на Не́бо честно́е преставле́ние Бо́жия Ма́тере.

Тропарь:  Прииди́те, ве́рнии, ко гро́бу присту́пим Бо́жия Ма́тере/ и обы́мем, сердцы́ и устна́ми, очесы́ и лице́м чи́сто прикаса́ющеся// и почерпа́юще исцеле́ний незави́стныя да́ры от исто́чника приснотеку́щаго.

 

Припев:     Велича́й, душе́ моя́,/ от земли́ на Не́бо честно́е преставле́ние Бо́жия Ма́тере.

Тропарь:  Приими́ от нас песнь исхо́дную, Ма́ти жива́го Бо́га,/ и светоно́сною Твое́ю и Боже́ственною осени́ благода́тию,/ во́инству – победи́тельная, христолю́бным лю́дем – мир,// оставле́ние – пою́щим и душа́м спасе́ние подаю́щи.

 

Катава́сия Успе́ния, глас 4:

Припев:     Велича́й, душе́ моя́,/ от земли́ на Не́бо честно́е преставле́ние Бо́жия Ма́тере.

Хор:     Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное преставле́ние Богома́тере,/ и да вопие́т:/ ра́дуйся, Всеблаже́нная, Богоро́дице,// Чи́стая Присноде́во.

После канона:

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Свети́лен  Успе́ния, подо́бен: «Не́бо звезда́ми…»:

              Апо́столи, от коне́ц совоку́пльшеся зде,/ в Гефсимани́йстей ве́си погреби́те те́ло Мое́,// и Ты, Сы́не и Бо́же Мой, приими́ дух Мой.

 

              Сла́ва Отцу́ и Сы́ну и Свято́му Ду́ху.

              Апо́столи, от коне́ц совоку́пльшеся зде,/ в Гефсимани́йстей ве́си погреби́те те́ло Мое́,// и Ты, Сы́не и Бо́же Мой, приими́ дух Мой.

 

              И ны́не и при́сно и во ве́ки веко́в. Ами́нь.

              Апо́столи, от коне́ц совоку́пльшеся зде,/ в Гефсимани́йстей ве́си погреби́те те́ло Мое́,// и Ты, Сы́не и Бо́же Мой, приими́ дух Мой.

 

Хвали́тны псалмы́, глас 4:

Хор:     Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

                 Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

 

                     Стихиры Успения, глас 4, подобен: «Я́ко до́бля…»:

На 4. Стих:         Хвали́те Его́ на си́лах Его́,// хвали́те Его́ по мно́жеству вели́чествия Его́.

Стихира:    В сла́вном успе́нии Твое́м/ Небеса́ ра́дуются,/ и а́нгельская возра́довашася во́инства,/ вся же земля́ весели́тся,/ песнь Тебе́ исхо́дную провозглаша́ющи,/ Ма́тери все́ми Влады́чествующаго,/ Неискусобра́чная Пресвята́я Де́во,/ Я́же род челове́ческий изба́вльшая// прароди́тельнаго осужде́ния.

 

Стих:      Хвали́те Его́ во гла́се тру́бнем,// хвали́те Его́ во псалти́ри и гу́слех.

Стихира:    В сла́вном успе́нии Твое́м/ Небеса́ ра́дуются,/ и а́нгельская возра́довашася во́инства,/ вся же земля́ весели́тся,/ песнь Тебе́ исхо́дную провозглаша́ющи,/ Ма́тери все́ми Влады́чествующаго,/ Неискусобра́чная Пресвята́я Де́во,/ Я́же род челове́ческий изба́вльшая// прароди́тельнаго осужде́ния.

 

На 2. Стих:        Хвали́те Его́ в тимпа́не и ли́це,// хвали́те Его́ во стру́нах и орга́не.

Стихира:   От коне́ц стеко́шася/ апо́столов лу́чшии,/ богонача́льным манове́нием, погребсти́ Тя,/ и от земли́ взе́млему Тя к высоте́ зря́ще,/ глас Гаврии́лов ра́достию вопия́ху Тебе́:/ ра́дуйся, Носи́ло Божества́ всего́./ Ра́дуйся, Еди́на, земна́я с Вы́шними// Рождество́м Твои́м совоку́пльшая.

 

Стих:      Хвали́те Его́ в кимва́лех доброгла́сных, хвали́те Его́ в кимва́лех восклица́ния.// Вся́кое дыха́ние да хва́лит Го́спода.

Стихира:  Я́же Живо́т ро́ждшая,/ к жи́зни премину́ла еси́,/ честны́м успе́нием Твои́м, безсме́ртней,/ доринося́щим Тя А́нгелом,/ Нача́лом и Си́лам,/ апо́столом и проро́ком/ и всей тва́ри,/ прие́мшу же нетле́нными дла́ньми Сы́ну Твоему́/ непоро́чную ду́шу Твою́,// Де́во Ма́ти Богоневе́сто.

 

                     Стихира Успения, глас 6:

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Стихира:           На безсме́ртное Твое́ успе́ние,/ Богоро́дице, Ма́ти Живота́,/ о́блацы апо́столы по возду́ху восхища́ху,/ и, по ми́ру разсе́янныя,/ во еди́ном ли́це предста́ша пресвято́му Твоему́ те́лу,/ е́же и погре́бше че́стно,/ глас Тебе́ Гаврии́лов, пою́ще, вопия́ху:/ ра́дуйся, Благода́тная, Де́во,/ Ма́ти Безневе́стная,/ Госпо́дь с Тобо́ю./ С ни́миже, я́ко Сы́на Твоего́ и Бо́га на́шего, моли́// спасти́ся душа́м на́шим.

 

                     Если вынос Плащаницы был в самый праздник, то на стихирах предстоятель облачается во все священнические одежды (без чтения соответствующих молитв).

                     В конце пения стихир на хвалитех духовенство царскими вратами исходит из алтаря к Плащанице. Перед Плащаницей произносится возглашение:

 

Иерей:     Сла́ва Тебе́, показа́вшему нам свет.

Славосло́вие вели́кое:

Хор:     Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди Царю́ Небе́сный, Бо́же О́тче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас; взе́мляй грехи́ ми́ра, приими́ моли́тву на́шу; седя́й одесну́ю Отца́, поми́луй нас. Я́ко Ты еси́ еди́н Свят, Ты еси́ еди́н Госпо́дь, Иису́с Христо́с, в сла́ву Бо́га Отца́. Ами́нь.

              На всяк день благословлю́ Тя, и восхвалю́ И́мя Твое́ во ве́ки, и в век ве́ка.

                 Сподо́би, Го́споди, в день сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено И́мя Твое́ во ве́ки. Ами́нь.

                 Бу́ди, Го́споди, ми́лость Твоя́ на нас, я́коже упова́хом на Тя.

              Благослове́н еси́, Го́споди, научи́ мя оправда́нием Твои́м. (Трижды)

              Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой: я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

                     Во время славословия совершается троекратное каждение Плащаницы.

                     При пении погребального «Святый Боже...» священнослужители, положив пред Плащаницей три поклона, поднимают ее и с крестным ходом (который совершается обычным порядком) при продолжающемся пении «Святый Боже...» и перезвоне колоколов обносят вокруг храма.

              Святы́й Бо́же, Святы́й Кре́пкий, Святы́й Безсме́ртный, поми́луй нас. (Погребальное, многократно при следовании Крестного хода)

 

                     По завершении крестного хода – трезвон. По внесении Плащаницы в храм ее полагают на гробницу. (Плащаницу не подносят к царским вратам, как в Великую Субботу; «Премудрость, прости» перед царскими вратами не возглашается.)

                     Во время положения Плащаницы на гробницу хор поет тропарь праздника Успения, и совершается помазание елеем у Плащаницы.

 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

Ектения́ сугу́бая:

Диакон:   Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор:     Го́споди, поми́луй. (Трижды, на каждое прошение)

Диакон:   Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), и всей во Христе́ бра́тии на́шей.

                 Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

                 Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

                 Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.

                 Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Иерей:     Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

Ектения́ проси́тельная:

Диакон:   Испо́лним у́тренюю моли́тву на́шу Го́сподеви.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Дне всего́ соверше́нна, свя́та, ми́рна и безгре́шна у Го́спода про́сим.

Хор:     Пода́й, Го́споди. (На каждое прошение)

Диакон:   А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                 Проще́ния и оставле́ния грехо́в и прегреше́ний на́ших у Го́спода про́сим.

                 До́брых и поле́зных душа́м на́шим и ми́ра ми́рови у Го́спода про́сим.

                 Про́чее вре́мя живота́ на́шего в ми́ре и покая́нии сконча́ти у Го́спода про́сим.

                 Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                 Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Бог ми́лости и щедро́т и человеколю́бия еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь.

 

Иерей:     Мир всем.

Хор:     И ду́хови твоему́.

Диакон:   Главы́ на́ша Го́сподеви прикло́ним.

Хор:     Тебе́, Го́споди.

Иерей:     Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Диакон:   Прему́дрость.

Хор:     Благослови́.

 

Иерей:     Сый благослове́н Христо́с Бог наш, всегда́, ны́не и при́сно и во ве́ки веко́в.

Хор:     Ами́нь. Утверди́, Бо́же, святу́ю правосла́вную ве́ру, правосла́вных христиа́н во век ве́ка.

 

Иерей:     Пресвята́я Богоро́дице, спаси́ нас.

Хор:     Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

 

Иерей:     Сла́ва Тебе́, Христе́ Бо́же, Упова́ние на́ше, сла́ва Тебе́.

Хор:     Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Го́споди, поми́луй. (Трижды) Благослови́.

 

Отпу́ст.

Иерей:     Христо́с, и́стинный Бог наш, моли́твами пречи́стыя Своея́ Ма́тере…

 

Многоле́тие:

Хор:     Вели́каго Господи́на и Отца́ на́шего Кири́лла,/ Святе́йшаго Патриа́рха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ настоя́теля, бра́тию и прихо́жан свята́го хра́ма сего́/ и вся правосла́вныя христиа́ны,// Го́споди, сохрани́ их на мно́гая ле́та.

 

Пе́рвый час

Чтец:    Прииди́те, поклони́мся Царе́ви на́шему Бо́гу.

              Прииди́те, поклони́мся и припаде́м Христу́ Царе́ви на́шему Бо́гу.

                 Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 5:

              Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой, зау́тра предста́ну Ти, и у́зриши мя. Я́ко Бог не хотя́й беззако́ния, Ты еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся де́лающия беззако́ние. Погуби́ши вся глаго́лющия лжу: му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой, поклоню́ся ко хра́му свято́му Твоему́, в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Я́ко несть во усте́х их и́стины, се́рдце их су́етно, гроб отве́рст горта́нь их: язы́ки свои́ми льща́ху. Суди́ им, Бо́же, да отпаду́т от мы́слей свои́х, по мно́жеству нече́стия их изри́ни я́, я́ко преогорчи́ша Тя, Го́споди. И да возвеселя́тся вси упова́ющии на Тя, во век возра́дуются, и всели́шися в них, и похва́лятся о Тебе́ лю́бящии и́мя Твое́. Я́ко Ты благослови́ши пра́ведника, Го́споди: я́ко ору́жием благоволе́ния венча́л еси́ нас.

Псало́м 89:

              Го́споди, прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Я́ко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут. У́тро я́ко трава́ мимои́дет, у́тро процвете́т и пре́йдет: на ве́чер отпаде́т ожесте́ет и и́зсхнет. Я́ко исчезо́хом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Тобо́ю: век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом, ле́та на́ша я́ко паучи́на поуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь: я́ко прии́де кро́тость на ны, и нака́жемся. Кто весть держа́ву гне́ва Твоего́, и от стра́ха Твоего́, я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Псало́м 100:

                 Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную: творя́щия преступле́ние возненави́дех. Не прильпе́ мне се́рдце стропти́во, уклоня́ющагося от мене́ лука́ваго не позна́х. Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. О́чи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающия беззако́ние.

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

              Го́споди, поми́луй. (Трижды)

 

              Сла́ва Отцу́ и Сы́ну и Свято́му Ду́ху. 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

              И ны́не и при́сно и во ве́ки веко́в. Ами́нь.

              Что Тя нарече́м, о Благода́тная? Не́бо, я́ко возсия́ла еси́ Со́лнце Пра́вды. Рай, я́ко прозябла́ еси́ цвет нетле́ния Де́ву, я́ко пребыла́ еси́ нетле́нна. Чи́стую Ма́терь, я́ко име́ла еси́ на святы́х Твои́х объя́тиях Сы́на, всех Бо́га. Того́ моли́ спасти́ся душа́м на́шим.

              Стопы́ моя́ напра́ви по словеси́ Твоему́ и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́ и научи́ мя оправда́нием Твои́м.

              Да испо́лнятся уста́ моя́ хвале́ния Твоего́, Го́споди, я́ко да воспою́ сла́ву Твою́, весь день великоле́пие Твое́.

 

Трисвято́е по О́тче наш:

Чтец:      Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                 Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

              Го́споди, поми́луй. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

              О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иерей:     Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь.

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

              Го́споди, поми́луй. (40 раз)

Окончание часа:

              И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

              Го́споди поми́луй. (Трижды)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

              И́менем Госпо́дним благослови́, о́тче.

Иерей:     Бо́же, уще́дри ны и благослови́ ны, просвети́ лице́ Твое́ на ны и поми́луй ны.

Чтец:    Ами́нь.

Иерей:     Христе́, Све́те И́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет Непристу́пный: и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере, и всех Твои́х святы́х, ами́нь.

 

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

 

Иерей:     Сла́ва Тебе́, Христе́ Бо́же, упова́ние на́ше, сла́ва Тебе́.

Хор:      Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Го́споди, поми́луй. (Трижды) Благослови́.

 

Отпу́ст:

Иерей:     Христо́с, и́стинный Бог наш, моли́твами пречи́стыя Своея́ Ма́тере…

Хор:     Го́споди, поми́луй. (Трижды)

 

Тре́тий час

Иерей:     Благослове́н Бог наш всегда́, ны́не и при́сно, и во ве́ки веко́в.

Чтец:    Ами́нь. Сла́ва Тебе́, Бо́же наш, сла́ва Тебе́.

              Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

 

Трисвято́е по О́тче наш:

Чтец:               Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                   Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

                Го́споди, поми́луй. (Трижды)

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иерей:              Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь. Го́споди, поми́луй. (12 раз)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Прииди́те, поклони́мся Царе́ви на́шему Бо́гу.

              Прииди́те, поклони́мся и припаде́м Христу́, Царе́ви на́шему Бо́гу.

                 Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 16:

              Услы́ши, Го́споди, пра́вду мою́, вонми́ моле́нию моему́, внуши́ моли́тву мою́ не во устна́х льсти́вых. От лица́ Твоего́ судьба́ моя́ изы́дет, о́чи мои́ да ви́дита правоты́. Искуси́л еси́ се́рдце мое́, посети́л еси́ но́щию, искуси́л мя еси́, и не обре́теся во мне непра́вда. Я́ко да не возглаго́лют уста́ моя́ дел челове́ческих, за словеса́ усте́н Твои́х аз сохрани́х пути́ же́стоки. Соверши́ стопы́ моя́ во стезя́х Твои́х, да не подви́жутся стопы́ моя́. Аз воззва́х, я́ко услы́шал мя еси́, Бо́же, приклони́ у́хо Твое́ мне и услы́ши глаго́лы моя́. Удиви́ ми́лости Твоя́, спаса́яй упова́ющия на Тя от проти́вящихся десни́це Твое́й. Сохрани́ мя, Го́споди, я́ко зе́ницу о́ка, в кро́ве крилу́ Твое́ю покры́еши мя. От лица́ нечести́вых остра́стших мя, врази́ мои́ ду́шу мою́ одержа́ша. Тук свой затвори́ша, уста́ их глаго́лаша горды́ню. Изгоня́щии мя ны́не обыдо́ша мя, о́чи свои́ возложи́ша уклони́ти на зе́млю. Объя́ша мя я́ко лев гото́в на лов и я́ко ски́мен обита́яй в та́йных. Воскресни́, Го́споди, предвари́ я́ и запни́ им, изба́ви ду́шу мою́ от нечести́ваго, ору́жие Твое́ от враг руки́ Твоея́. Го́споди, от ма́лых от земли́, раздели́ я́ в животе́ их, и сокрове́нных Твои́х испо́лнися чре́во их, насы́тишася сыно́в, и оста́виша оста́нки младе́нцем свои́м. Аз же пра́вдою явлю́ся лицу́ Твоему́, насы́щуся, внегда́ яви́ти ми ся сла́ве Твое́й.

Псало́м 24:

                 К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющим на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющим заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т ему́ на пути́, его́же изво́ли. Душа́ его́ во благи́х водвори́тся, и се́мя его́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й его́.

Псало́м 50:

                 Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз зна́ю и грех мой предо мно́ю есть вы́ну. Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския, тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

              Го́споди, поми́луй. (Трижды)

 

              Сла́ва Отцу́ и Сы́ну и Свято́му Ду́ху. 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

              И ны́не и при́сно и во ве́ки веко́в. Ами́нь.

                 Богоро́дице, Ты еси́ лоза́ и́стинная, возрасти́вшая нам Плод живота́, Тебе́ мо́лимся: моли́ся, Влады́чице, со святы́ми апо́столы поми́ловати ду́ши на́ша.

              Госпо́дь Бог благослове́н, благослове́н Госпо́дь день дне,/ поспеши́т нам Бог спасе́ний на́ших, Бог наш, Бог спаса́ти.

 

Трисвято́е по О́тче наш:

Чтец:      Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

              Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

              Го́споди, поми́луй. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

              О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иерей:     Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь.

 

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

 

              Го́споди, поми́луй. (40 раз)

Окончание часа:

              И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

              Го́споди поми́луй. (Трижды)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

              И́менем Госпо́дним благослови́, о́тче.

 

Иерей:     Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец:    Ами́нь. Влады́ко Бо́же О́тче Вседержи́телю, Го́споди Сы́не Единоро́дный Иису́се Христе́, и Святы́й Ду́ше, Еди́но Божество́, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в, ами́нь.

 

Шесто́й час

Чтец:    Прииди́те, поклони́мся Царе́ви на́шему Бо́гу.

              Прииди́те, поклони́мся и припаде́м Христу́, Царе́ви на́шему Бо́гу.

                 Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 53:

                 Бо́же, во и́мя Твое́ спаси́ мя, и в си́ле Твое́й суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя и кре́пции взыска́ша ду́шу мою́, и не предложи́ша Бо́га пред собо́ю. Се бо Бог помога́ет ми, и Госпо́дь Засту́пник души́ мое́й. Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го, я́ко от вся́кия печа́ли изба́вил мя еси́, и на враги́ моя́ воззре́ о́ко мое́.

Псало́м 54:

              Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся от гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голуби́не? И полещу́, и почи́ю. Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м его́. Беззако́ние и труд посреде́ его́ и непра́вда. И не оскуде́ от стогн его́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши я́ в студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Псало́м 90:

                 Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши, и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́ и изба́влю и́, покры́ю и́, я́ко позна́ и́мя Мое́. Воззове́т ко Мне и услы́шу его́, с ним есмь в ско́рби, изму́ его́ и просла́влю его́, долгото́ю дней испо́лню его́ и явлю́ ему́ спасе́ние Мое́.

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Аллилу́иа, аллилу́иа, аллилу́иа, сла́ва Тебе́ Бо́же. (Трижды)

              Го́споди, поми́луй. (Трижды)

 

              Сла́ва Отцу́ и Сы́ну и Свято́му Ду́ху. 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

              И ны́не и при́сно и во ве́ки веко́в. Ами́нь.

              Я́ко не и́мамы дерзнове́ния за премно́гия грехи́ на́ша, Ты и́же от Тебе́ Ро́ждшагося моли́, Богоро́дице Де́во, мно́го бо мо́жет моле́ние Ма́тернее ко благосе́рдию Влады́ки. Не пре́зри гре́шных мольбы́, Всечи́стая, я́ко ми́лостив есть и спасти́ моги́й, И́же и страда́ти о нас изво́ливый.

              Ско́ро да предваря́т ны щедро́ты Твоя́, Го́споди, я́ко обнища́хом зело́; помози́ нам, Бо́же, Спа́се наш, сла́вы ра́ди И́мене Твоего́, Го́споди, изба́ви нас и очи́сти грехи́ на́ша, И́мене ра́ди Твоего́.

 

Трисвято́е по О́тче наш:

Чтец:      Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

                 Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

              Го́споди, поми́луй. (Трижды)

              Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

              О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иерей:     Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь.

 

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

 

              Го́споди, поми́луй. (40 раз)

Окончание часа:

              И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

              Го́споди поми́луй. (Трижды)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

              И́менем Госпо́дним благослови́, о́тче.

Иерей:     Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец:      Ами́нь. Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.

 

Боже́ственная литурги́я

Литургия оглашенных:

Диакон:   Благослови́, влады́ко.

Иерей:     Благослове́но Ца́рство Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:     Ами́нь.

 

Вели́кая ектения́:

Диакон:   Ми́ром Го́споду помо́лимся.

Хор:     Го́споди, поми́луй. (На каждое прошение)

Диакон:   О Свы́шнем ми́ре и спасе́нии душ на́ших, Го́споду помо́лимся.

                 О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

                     О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                 О вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), честне́м пресви́терстве, во Христе́ диа́констве, о всем при́чте и лю́дех, Го́споду помо́лимся.

                 О Богохрани́мей стране́ на́шей, власте́х и во́инстве ея́, Го́споду помо́лимся.

                 О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.

                 О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

                     О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.

                 О изба́витися нам от вся́кия ско́рби, гне́ва и ну́жды, Го́споду помо́лимся.

                 Заступи́, спаси́, поми́луй и сохрани́ нас, Бо́же, Твое́ю благода́тию.

                 Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Пе́рвый антифо́н, псало́м 102:

Хор:     Благослови́, душе́ моя́, Го́спода,/ благослове́н еси́ Го́споди./

              Благослови́, душе́ моя́, Го́спода,/ и вся вну́тренняя моя́/ и́мя свя́тое Его́./ Благослови́, душе́ моя́, Го́спода,/ и не забыва́й всех воздая́ний Его́,/ очища́ющаго вся беззако́ния твоя́,/ исцеля́ющаго вся неду́ги твоя́,/ избавля́ющаго от истле́ния живо́т твой,/ венча́ющаго тя ми́лостию и щедро́тами,/ исполня́ющаго во благи́х жела́ние твое́:/ обнови́тся я́ко о́рля ю́ность твоя́./ Творя́й ми́лостыни Госпо́дь,/ и судьбу́ всем оби́димым./ Сказа́ пути́ Своя́ Моисе́ови,/ сыново́м Изра́илевым хоте́ния Своя́:/ Щедр и Ми́лостив Госпо́дь,/ Долготерпели́в и Многоми́лостив./ Не до конца́ прогне́вается,/ ниже́ в век вражду́ет,/ не по беззако́нием на́шим сотвори́л есть нам,/ ниже́ по грехо́м на́шим возда́л есть нам./ Я́ко по высоте́ небе́сней от земли́,/ утверди́л есть Госпо́дь ми́лость Свою́ на боя́щихся Его́./ Ели́ко отстоя́т восто́цы от за́пад,/ уда́лил есть от нас беззако́ния на́ша./ Я́коже ще́дрит оте́ц сы́ны,/ уще́дри Госпо́дь боя́щихся Его́./ Я́ко Той позна́ созда́ние на́ше,/ помяну́, я́ко персть есмы́./ Челове́к, я́ко трава́ дни́е его́,/ я́ко цвет се́льный, та́ко оцвете́т,/ я́ко дух про́йде в нем,/ и не бу́дет, и не позна́ет ктому́ ме́ста своего́./ Ми́лость же Госпо́дня от ве́ка и до ве́ка на боя́щихся Его́,/ и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́./ Госпо́дь на Небеси́ угото́ва Престо́л Свой,/ и Ца́рство Его́ все́ми облада́ет./ Благослови́те Го́спода вси А́нгели Его́,/ си́льнии кре́постию, творя́щии сло́во Его́, услы́шати глас слове́с Его́./ Благослови́те Го́спода вся Си́лы Его́,/ слуги́ Его́, творя́щии во́лю Его́./ Благослови́те Го́спода вся дела́ Его́, на вся́ком ме́сте влады́чествия Его́./

              Благослови́, душе́ моя́, Го́спода,/ и вся вну́тренняя моя́/ и́мя свя́тое Его́.// Благослове́н еси́, Го́споди.

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:     Ами́нь.

 

Второ́й антифо́н, псало́м 145:

Хор:     Хвали́, душе́ моя́, Го́спода./ Восхвалю́ Го́спода в животе́ мое́м,/ пою́ Бо́гу моему́, до́ндеже есмь./ Не наде́йтеся на кня́зи, на сы́ны челове́ческия,/ в ни́хже несть спасе́ния./ Изы́дет дух его́/ и возврати́тся в зе́млю свою́./ В той день поги́бнут вся помышле́ния его́./ Блаже́н, ему́же Бог Иа́ковль Помо́щник его́,/ упова́ние его́ на Го́спода Бо́га своего́,/ сотво́ршаго не́бо и зе́млю,/ мо́ре и вся, я́же в них,/ храня́щаго и́стину в век,/ творя́щаго суд оби́димым,/ даю́щаго пи́щу а́лчущим./ Госпо́дь реши́т окова́нныя./ Госпо́дь умудря́ет слепцы́./ Госпо́дь возво́дит низве́рженныя./ Госпо́дь лю́бит пра́ведники./ Госпо́дь храни́т прише́льцы,/ си́ра и вдову́ прии́мет/ и путь гре́шных погуби́т./ Воцари́тся Госпо́дь во век,// Бог твой, Сио́не, в род и род.

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Единоро́дный Сы́не:

              Единоро́дный Сы́не и Сло́ве Бо́жий, Безсме́ртен Сый/ и изво́ливый спасе́ния на́шего ра́ди/ воплоти́тися от Святы́я Богоро́дицы и Присноде́вы Мари́и,/ непрело́жно вочелове́чивыйся,/ распны́йся же, Христе́ Бо́же, сме́ртию смерть попра́вый,/ Еди́н Сый Святы́я Тро́ицы,// спрославля́емый Отцу́ и Свято́му Ду́ху, спаси́ нас.

 

Ектения́ ма́лая:

Диакон:   Па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь.

 

Тре́тий антифо́н, блаже́нны:

Хор:     Во Ца́рствии Твое́м помяни́ нас, Го́споди, егда́ прии́деши, во Ца́рствии Твое́м.

На 12:     Блаже́ни ни́щии ду́хом, я́ко тех есть Ца́рство Небе́сное.

              Блаже́ни пла́чущии, я́ко ти́и уте́шатся.

На 10:      Блаже́ни кро́тции, я́ко ти́и насле́дят зе́млю.

                Блаже́ни а́лчущии и жа́ждущии пра́вды, я́ко ти́и насы́тятся.

На 8:       Блаже́ни ми́лостивии, я́ко ти́и поми́ловани бу́дут.    

                     Успения, глас 1:

Ирмос:    Соде́тельная и содержи́тельная всех/ Бо́жия Му́дросте и Си́ло,/ непрекло́нну, недви́жиму Це́рковь утверди́, Христе́,/ еди́н бо еси́ Свят,// во святы́х почива́яй.

 

                Блаже́ни чи́стии се́рдцем, я́ко ти́и Бо́га у́зрят.

Ирмос:    Соде́тельная и содержи́тельная всех/ Бо́жия Му́дросте и Си́ло,/ непрекло́нну, недви́жиму Це́рковь утверди́, Христе́,/ еди́н бо еси́ Свят,// во святы́х почива́яй.

 

На 6        Блаже́ни миротво́рцы, я́ко ти́и сы́нове Бо́жии нареку́тся.

Тропарь:  Жену́ Тя ме́ртвенну, но па́че естества́ и Ма́терь Бо́жию/ ви́девше, Всенепоро́чная, сла́внии апо́столи/ ужа́сно прикаса́хуся рука́ми сла́вою облиста́ющей,// я́ко богоприя́тное Селе́ние ви́дяще.

 

                Блаже́ни изгна́ни пра́вды ра́ди, я́ко тех есть Ца́рство Небе́сное.

Тропарь:  Пости́же ру́це досади́тельныя де́рзаго, усече́нием суд нане́с,/ Бо́гу сохра́ньшу честь одушевле́нному Киво́ту, сла́вою Божества́,// в Не́мже Сло́во плоть бысть.

 

На 4:         Блаже́ни есте́, егда́ поно́сят вам, и изжену́т, и реку́т всяк зол глаго́л на вы, лжу́ще Мене́ ра́ди.

                     Успения, глас 4:

Тропарь:    От ме́ртвых чресл произве́дшися, естество́м подо́бна, Чи́стая, исхожде́ние разреши́,/ ро́ждши же су́щую Жизнь,// к Жи́зни преста́вися Боже́ственней и Ипоста́сней.  

 

                Ра́дуйтеся и весели́теся, я́ко мзда ва́ша мно́га на Небесе́х.

Тропарь:    От ме́ртвых чресл произве́дшися, естество́м подо́бна, Чи́стая, исхожде́ние разреши́,/ ро́ждши же су́щую Жизнь,// к Жи́зни преста́вися Боже́ственней и Ипоста́сней.  

 

                Сла́ва Отцу́ и Сы́ну и Свято́му Ду́ху.

Тропарь:    Лик Богосло́вов от коне́ц, свы́ше же А́нгел мно́жества/ к Сио́ну идя́ху всеси́льным манове́нием,// достодо́лжно, Влады́чице, Твоему́ погребе́нию служа́ще.

 

                И ны́не и при́сно и во ве́ки веко́в. Ами́нь.     

Тропарь:    Лик Богосло́вов от коне́ц, свы́ше же А́нгел мно́жества/ к Сио́ну идя́ху всеси́льным манове́нием,// достодо́лжно, Влады́чице, Твоему́ погребе́нию служа́ще.

 

Ма́лый вход (с Ева́нгелием):

Диакон:   Прему́дрость, про́сти.

Хор:     Прииди́те, поклони́мся и припаде́м ко Христу́. Спаси́ ны, Сы́не Бо́жий, во святы́х ди́вен Сый[1], пою́щия Ти: ·аллилу́иа.

 

Тропари́ и кондаки́ по вхо́де:

Е́сли храм Госпо́дский:

 

Тропа́рь хра́ма.

 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

              Сла́ва Отцу́ и Сы́ну и Свято́му Ду́ху.

Конда́к хра́ма.

 

              И ны́не и при́сно и во ве́ки веко́в. Ами́нь.

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

 

Е́сли храм Богоро́дицы:

 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

 

Е́сли храм свято́го:

 

Тропа́рь Успе́ния Пресвято́й Богоро́дицы, глас 1:

              В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

 

Тропа́рь хра́ма.

 

              Сла́ва Отцу́ и Сы́ну и Свято́му Ду́ху.

Конда́к хра́ма.

 

              И ны́не и при́сно и во ве́ки веко́в. Ами́нь.

Конда́к Успе́ния Пресвято́й Богоро́дицы, глас 2:

              В моли́твах Неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

 

Диакон:   Го́споду помо́лимся.

Хор:     Го́споди, поми́луй.

 

 

Иерей:     Я́ко Свят еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно.

 

Диакон:   Го́споди, спаси́ благочести́выя.

Хор:     Го́споди, спаси́ благочести́выя.

 

Диакон:   И услы́ши ны.

Хор:     И услы́ши ны.

Диакон:   И во ве́ки веко́в.

Хор:     Ами́нь.

 

Трисвято́е:

Хор:       Святы́й Бо́же, Святы́й Кре́пкий, Святы́й Безсме́ртный, поми́луй нас.  (Трижды)

              Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

              Святы́й Безсме́ртный, поми́луй нас.

                 Святы́й Бо́же, Святы́й Кре́пкий, Святы́й Безсме́ртный, поми́луй нас.

 

Диакон:   Во́нмем.

Иерей:     Мир всем.

Чтец:    И ду́хови твоему́.

 

Диакон:   Прему́дрость.

 

Проки́мен Успе́ния, глас 3, песнь Богоро́дицы:

Чтец:    Проки́мен, глас тре́тий, песнь Богоро́дицы: Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.

Хор:     Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м..

 

Чтец:    Я́ко призре́ на смире́ние Рабы́ Своея́, се бо отны́не ублажа́т Мя вси ро́ди.

Хор:     Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м..

 

Чтец:    Вели́чит душа́ Моя́ Го́спода,

Хор:     И возра́довася дух Мой о Бо́зе Спа́се Мое́м..

 

Чте́ние Апо́стола:

Диакон:   Прему́дрость.

Чтец:    К Кори́нфяном посла́ния свята́го апо́стола Па́вла чте́ние.

 

Диакон:   Во́нмем.

Чте́ние дня (2Кор., зач.169, гл.1, стт.12-20): [2]

Чтец:    Бра́тие, похвале́ние на́ше сие́ есть, свиде́тельство со́вести на́шея, я́ко в простоте́ и чистоте́ Бо́жией, а не в му́дрости пло́ти, но благода́тию Бо́жиею жи́хом в ми́ре, мно́жае же у вас. Не ина́я бо пи́шем вам, но я́же чтете́ и разумева́ете, упова́ю же, я́ко и до конца́ уразуме́ете, я́коже и разуме́сте нас от ча́сти, я́ко похвале́ние вам есмы́, я́коже и вы нам, в день Го́спода на́шего Иису́са Христа́. И сим упова́нием хоте́х к вам приити́ пре́жде, да втору́ю благода́ть и́мате, и ва́ми проити́ в Македо́нию, и па́ки от Македо́нии приити́ к вам, и ва́ми проводи́тися во Иуде́ю. Сие́ же хотя́, еда́ что у́бо легкото́ю де́ях? Или́ я́же совещава́ю, по пло́ти совещава́ю, да бу́дет у мене́ е́же ей, ей, и е́же ни, ни. Ве́рен же Бог, я́ко сло́во на́ше, е́же к вам, не бысть ей и ни. И́бо Бо́жий Сын Иису́с Христо́с, и́же у вас на́ми пропове́данный, мно́ю и Силуа́ном и Тимофе́ем, не бысть ей и ни, но в Нем Само́м ей бысть. Ели́ка бо обетова́ния Бо́жия, в Том ей и в Том ами́нь, Бо́гу к сла́ве на́ми.

 

Иерей:     Мир ти.

Чтец:    И ду́хови твоему́.

Диакон:   Прему́дрость.

 

Аллилуа́рий Успе́ния, глас 2:

Чтец:    Глас вторы́й: Аллилу́ия, аллилу́ия, аллилу́ия.

Хор:     Аллилу́ия, аллилу́ия, аллилу́ия.

 

Чтец:      Воскресни́, Го́споди, в поко́й Твой, Ты и Киво́т святы́ни Твоея́.

Хор:     Аллилу́ия, аллилу́ия, аллилу́ия.

 

Чтец:    Кля́тся Госпо́дь Дави́ду и́стиною и не отве́ржется ея́.

Хор:     Аллилу́ия, аллилу́ия, аллилу́ия.

 

Диакон:   Благослови́, влады́ко, благовести́теля свята́го Апо́стола и Евангели́ста Луки́. 

Иерей:     Бог, моли́твами свята́го, сла́внаго, всехва́льнаго Апо́стола и Евангели́ста Луки́, да даст тебе́ глаго́л благовеству́ющему си́лою мно́гою, во исполне́ние Ева́нгелия возлю́бленнаго Сы́на Своего́, Го́спода на́шего Иису́са Христа́.

Диакон:   Ами́нь.

 

Диакон:   Прему́дрость, про́сти, услы́шим свята́го Ева́нгелия.

Иерей:     Мир всем.

Хор:     И ду́хови твоему́.

 

Диакон:   От Луки́ свята́го Ева́нгелия чте́ние.

Хор:     Сла́ва Тебе́, Го́споди, сла́ва Тебе́.

 

Чте́ние Ева́нгелия:

Диакон:   Во́нмем.

Чте́ние дня (Мф., зач.91, гл.22, стт.23-33):  [3]

Диакон:   Во вре́мя о́но, приступи́ша к Иису́су саддуке́е, и́же глаго́лют не бы́ти воскресе́нию, и вопроси́ша Его́, глаго́люще: Учи́телю, Моисе́й рече́, а́ще кто у́мрет не имы́й чад, да по́ймет брат его́ жену́ его́ и воскреси́т се́мя бра́та своего́. Бе́ша же в нас седмь бра́тия, и пе́рвый оже́нься у́мре, и не имы́й се́мене, оста́ви жену́ свою́ бра́ту своему́, та́кожде же и вторы́й, и тре́тий, да́же до седма́го, последи́ же всех у́мре и жена́. В воскреше́ние у́бо, кото́раго от седми́х бу́дет жена́? Вси бо име́ша ю́. Отвеща́в же Иису́с рече́ им: прельща́етеся, не ве́дуще Писа́ния, ни си́лы Бо́жия. В воскресе́ние бо ни же́нятся, ни посяга́ют, но я́ко А́нгели Бо́жии на небеси́ суть, о воскресе́нии же ме́ртвых не́сте ли чли рече́ннаго вам Бо́гом, глаго́лющим: Аз есмь Бог Авраа́мов, и Бог Исаа́ков, и Бог Иа́ковль? Несть Бог Бог ме́ртвых, но Бог живы́х. И слы́шавше наро́ди дивля́хуся о уче́нии Его́.

Хор:     Сла́ва Тебе́, Го́споди, сла́ва Тебе́.

 

Ектения́ сугу́бая:

Диакон:   Рце́м вси от всея́ души́, и от всего́ помышле́ния на́шего рцем.

Хор:     Го́споди, поми́луй.

Диакон:   Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Хор:     Го́споди, поми́луй.

Диакон:   Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор:     Го́споди, поми́луй. (Трижды, на каждое прошение)

Диакон:   Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.

                 Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

                 Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.

                 Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

 

                      Прошения о Святой Руси: [4]

                 Еще́ мо́лимся Тебе́, Го́споду и Спаси́телю на́шему, о е́же прия́ти моли́твы нас недосто́йных рабо́в Твои́х в сию́ годи́ну испыта́ния, прише́дшую на Русь Святу́ю, обыше́дше бо обыдо́ша ю́ врази́, и о е́же яви́ти спасе́ние Тво́е, рцем вси: Го́споди, услы́ши и поми́луй.

                 Еще́ мо́лимся о е́же благосе́рдием и ми́лостию призре́ти на во́инство и вся защи́тники Оте́чества на́шего, и о е́же утверди́ти нас всех в ве́ре, единомы́слии, здра́вии и си́ле ду́ха, рцем вси: Го́споди, услы́ши и ми́лостивно поми́луй.

 

                 Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.

                 Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Иерей:     Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:     Ами́нь.

 

Моли́тва о Свято́й Руси́: 4

Диакон:   Го́споду помо́лимся.

Хор:     Го́споди, поми́луй.

 

Иерей:     Го́споди Бо́же Сил, Бо́же спасе́ния на́шего, при́зри в ми́лости на смире́нныя рабы́ Твоя́, услы́ши и поми́луй нас: се бо бра́ни хотя́щии ополчи́шася на Святу́ю Русь, ча́юще раздели́ти и погуби́ти еди́ный наро́д ея́. Воста́ни, Бо́же, в по́мощь лю́дем Твои́м и пода́ждь нам си́лою Твое́ю побе́ду.

                 Ве́рным ча́дом Твои́м, о еди́нстве Ру́сския Це́ркве ревну́ющим, поспе́шествуй, в ду́хе братолю́бия укрепи́ их и от бед изба́ви. Запрети́ раздира́ющим во омраче́нии умо́в и ожесточе́нии серде́ц ри́зу Твою́, я́же есть Це́рковь Жива́го Бо́га, и за́мыслы их ниспрове́ргни.

                 Благода́тию Твое́ю вла́сти предержа́щия ко вся́кому бла́гу наста́ви и му́дростию обогати́.

                 Во́ины и вся защи́тники Оте́чества на́шего в за́поведех Твои́х утверди́, кре́пость ду́ха им низпосли́, от сме́рти, ран и плене́ния сохрани́.

                 Лише́нныя кро́ва и в изгна́нии су́щия в до́мы введи́, а́лчущия напита́й, [жа́ждущия напои́], неду́гующия и стра́ждущия укрепи́ и исце́ли, в смяте́нии и печа́ли су́щим наде́жду благу́ю и утеше́ние пода́ждь.

                 Всем же во дни сия́ убие́нным и от ран и боле́зней сконча́вшимся проще́ние грехо́в да́руй и блаже́нное упокое́ние сотвори́.

                 Испо́лни нас я́же в Тя ве́ры, наде́жды и любве́, возста́ви па́ки во всех страна́х Святы́я Руси́ мир и единомы́слие, друг ко дру́гу любо́вь обнови́ в лю́дех Твои́х, я́ко да еди́неми усты́ и еди́нем се́рдцем испове́мыся Тебе́, Еди́ному Бо́гу в Тро́ице сла́вимому. Ты бо еси́ заступле́ние, и побе́да, и спасе́ние упова́ющим на Тя, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь.

 

Ектения́ об оглаше́нных:

Диакон:   Помоли́теся, оглаше́ннии, Го́сподеви.

Хор:     Го́споди, поми́луй. (На каждое прошение)

Диакон:   Ве́рнии, о оглаше́нных помо́лимся, да Госпо́дь поми́лует их.

                 Огласи́т их сло́вом и́стины.

                 Откры́ет им Ева́нгелие пра́вды.

                 Соедини́т их святе́й Свое́й собо́рней и апо́стольстей Це́ркви.

                 Спаси́, поми́луй, заступи́ и сохрани́ их, Бо́же, Твое́ю благода́тию.

                 Оглаше́ннии, главы́ ва́ша Го́сподеви приклони́те.

Хор:     Тебе́, Го́споди.

Иерей:     Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:     Ами́нь.

Литургия верных:

Ектения́ ве́рных, пе́рвая:

Диакон:   Ели́цы оглаше́ннии, изыди́те, оглаше́ннии, изыди́те. Ели́цы оглаше́ннии, изыди́те. Да никто́ от оглаше́нных, ели́цы ве́рнии, па́ки и па́ки ми́ром Го́споду помо́лимся.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Прему́дрость.

Иерей:     Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь.

Ектения́ ве́рных, втора́я:

Диакон:   Па́ки и па́ки, ми́ром Го́споду помо́лимся.

Хор:     Го́споди, поми́луй. (На каждое прошение)

Диакон:   О свы́шнем ми́ре и спасе́нии душ на́ших, Го́споду помо́лимся.

                 О ми́ре всего́ ми́ра, благостоя́нии святы́х Бо́жиих церкве́й и соедине́нии всех, Го́споду помо́лимся.

                 О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                 О изба́витися нам от вся́кия ско́рби, гне́ва и ну́жды, Го́споду помо́лимся.

                 Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Прему́дрость.

Иерей:     Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь.

Херуви́мская песнь:

Хор:     И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

Вели́кий вход:

Диакон:   Вели́каго господи́на и отца́ на́шего Кири́лла, Святе́йшаго Патриа́рха Моско́вскаго и всея́ Руси́, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Иерей:     Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, и при́чет церко́вный, бра́тию свята́го хра́ма сего́, всех вас, правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

 

Хор:     Ами́нь. Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

 

Ектения́ проси́тельная:

Диакон:   Испо́лним моли́тву на́шу Го́сподеви.

Хор:     Го́споди, поми́луй. (На каждое прошение)

Диакон:   О предложе́нных Честны́х Даре́х, Го́споду помо́лимся.

                 О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                 О изба́витися нам от вся́кия ско́рби, гне́ва и ну́жды, Го́споду помо́лимся.

                 Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Дне всего́ соверше́нна, свя́та, ми́рна и безгре́шна у Го́спода про́сим.

Хор:     Пода́й, Го́споди. (На каждое прошение)

Диакон:   А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                 Проще́ния и оставле́ния грехо́в и прегреше́ний на́ших у Го́спода про́сим.

                 До́брых и поле́зных душа́м на́шим и ми́ра ми́рови у Го́спода про́сим.

                 Про́чее вре́мя живота́ на́шего в ми́ре и покая́нии сконча́ти у Го́спода про́сим.

                 Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                     Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Хор:     Ами́нь.

Иерей:         Мир всем.

Хор:     И ду́хови твоему́.

 

Диакон:   Возлю́бим друг дру́га, да единомы́слием испове́мы.

Хор:     Отца́, и Сы́на, и Свята́го Ду́ха,/ Тро́ицу единосу́щную/ и неразде́льную.

 

Диакон:   Две́ри, две́ри, прему́дростию во́нмем.

Си́мвол ве́ры:

Люди:   Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

 

Евхаристи́ческий кано́н:

Диакон:   Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Хор:     Ми́лость ми́ра,/ же́ртву хвале́ния.

 

Иерей:     Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

Хор:     И со ду́хом твои́м.

 

Иерей:     Горе́  име́им сердца́.

Хор:     И́мамы ко Го́споду.

 

Иерей:     Благодари́м Го́спода.

Хор:     Досто́йно и пра́ведно есть/ покланя́тися Отцу́ и Сы́ну, и Свято́му Ду́ху,// Тро́ице единосу́щней и неразде́льней.

 

Иерей:     Побе́дную песнь пою́ще, вопию́ще, взыва́юще и глаго́люще.

Хор:     Свят, свят, свят Госпо́дь Савао́ф,/ испо́лнь не́бо и земля́ сла́вы Твоея́;/ оса́нна в вы́шних,/ благослове́н Гряды́й во и́мя Госпо́дне,// оса́нна в вы́шних.

 

Иерей:     Приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.

Хор:     Ами́нь.

 

Иерей:     Пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.

Хор:     Ами́нь.

 

Иерей:     Твоя́ от Твои́х Тебе́ принося́ще, о всех и за вся.

Хор:     Тебе́ пое́м,/ Тебе́ благослови́м,/ Тебе́ благодари́м, Го́споди,// и мо́лим Ти ся, Бо́же наш.

 

Иерей:     Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

 

Задосто́йник Успе́ния:

Припев:    А́нгели, успе́ние Пречи́стыя ви́девше, удиви́шася,// ка́ко Де́вая восхо́дит от земли́ на Не́бо.

Ирмос, глас 1:        Побежда́ются естества́ уста́вы/ в Тебе́, Де́во Чи́стая,/ де́вствует бо рождество́/ и живо́т предобруча́ет смерть./ По рождестве́ Де́ва и по сме́рти жива́,// спаса́еши при́сно, Богоро́дице, насле́дие Твое́.

 

Иерей:     В пе́рвых помяни́, Го́споди, вели́каго господи́на и отца́ на́шего Кири́лла, Святе́йшаго Патриа́рха Моско́вскаго и всея́ Руси́, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.

Хор:     И всех, и вся.

 

Иерей:     И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:     Ами́нь.

 

Иерей:     И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

Хор:     И со ду́хом твои́м.

 

Ектения́ проси́тельная:

Диакон:   Вся святы́я помяну́вше, па́ки и па́ки ми́ром Го́споду помо́лимся.

Хор:     Го́споди, поми́луй. (На каждое прошение)

Диакон:   О принесе́нных и освяще́нных Честны́х Даре́х, Го́споду помо́лимся.

                     Я́ко да человеколю́бец Бог наш, прие́м я́ во святы́й и пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам Боже́ственную благода́ть и дар Свята́го Ду́ха, помо́лимся.

                 О изба́витися нам от вся́кия ско́рби, гне́ва и ну́жды, Го́споду помо́лимся.

                 Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   Дне всего́ соверше́нна, свя́та, ми́рна и безгре́шна у Го́спода про́сим.

Хор:     Пода́й, Го́споди. (На каждое прошение)

Диакон:   А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                 Проще́ния и оставле́ния грехо́в и прегреше́ний на́ших у Го́спода про́сим.

                 До́брых и поле́зных душа́м на́шим и ми́ра ми́рови у Го́спода про́сим.

                 Про́чее вре́мя живота́ на́шего в ми́ре и покая́нии сконча́ти у Го́спода про́сим.

                 Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                 Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати:

Моли́тва Госпо́дня:

Люди:   О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иерей:     Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:     Ами́нь.

 

Иерей:     Мир всем.

Хор:     И ду́хови твоему́.

 

Диакон:   Главы́ ва́ша Го́сподеви приклони́те.

Хор:     Тебе́, Го́споди.

 

Иерей:     Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Хор:     Ами́нь.

 

Диакон:   Во́нмем.

Иерей:     Свята́я святы́м.

Хор:     Еди́н свят,/ еди́н Госпо́дь,/ Иису́с Христо́с,/ во сла́ву Бо́га Отца́./ Ами́нь.

Прича́стен Успе́ния.

Хор:     Ча́шу спасе́ния прииму́, и и́мя Госпо́дне призову́. Аллилу́ия. (Трижды)

 

Прича́стие:

Диакон:   Со стра́хом Бо́жиим и ве́рою приступи́те.

Хор:     Благослове́н Гряды́й во и́мя Госпо́дне, Бог Госпо́дь и яви́ся нам.

Иерей:     Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причасти́тися пречи́стых Твои́х Та́инств, во оставле́ние грехо́в и в жизнь ве́чную. Ами́нь.

                 Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.

                 Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.

                     Во время Причащения людей:

Хор:     Те́ло Христо́во приими́те, Исто́чника безсме́ртнаго вкуси́те.

                     После Причащения людей:

Хор:     Аллилу́ия, аллилу́ия, аллилу́ия.

По́сле Прича́стия:

Иерей:     Спаси́, Бо́же, лю́ди Твоя́, и благослови́ достоя́ние Твое́.

Хор:     Ви́дехом свет и́стинный,/ прия́хом Ду́ха Небе́снаго,/ обрето́хом ве́ру и́стинную,/ неразде́льней Тро́ице покланя́емся,// Та бо нас спасла́ есть.

 

Иерей:     Всегда́, ны́не и при́сно, и во ве́ки веко́в.

Хор:     Ами́нь. Да испо́лнятся уста́ на́ша/ хвале́ния Твоего́ Го́споди,/ я́ко да пое́м сла́ву Твою́,/ я́ко сподо́бил еси́ нас причасти́тися/ Святы́м Твои́м, Боже́ственным, безсме́ртным и животворя́щим Та́йнам,/ соблюди́ нас во Твое́й святы́ни/ весь день поуча́тися пра́вде Твое́й.// Аллилу́иа, аллилу́иа, аллилу́иа.

 

Ектения́ заключи́тельная:

Диакон:   Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Хор:     Го́споди, поми́луй.

Диакон:   Заступи́, спаси́, поми́луй и сохрани́ нас, Бо́же, Твое́ю благода́тию.

Хор:     Го́споди, поми́луй.

Диакон:   День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:     Тебе́, Го́споди.

Иерей:     Я́ко Ты еси́ освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь.

 

Иерей:     С ми́ром изы́дем.

Хор:     О и́мени Госпо́дни.

 

Диакон:   Го́споду помо́лимся.

Хор:     Го́споди, поми́луй.

 

Заамво́нная моли́тва:

Иерей:     Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты тех возпросла́ви Боже́ственною Твое́ю си́лою, и не оста́ви нас, упова́ющих на Тя. Мир ми́рови Твоему́ да́руй, це́рквам Твои́м, свяще́нником, во́инству и всем лю́дем Твои́м. Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:     Ами́нь. Бу́ди И́мя Госпо́дне благослове́но от ны́не и до ве́ка. (Трижды)

Псало́м 33:

Хор:       Благословлю́ Го́спода на вся́кое вре́мя,/ вы́ну хвала́ Его́ во усте́х мои́х./ О Го́споде похва́лится душа́ моя́,/ да услы́шат кро́тции, и возвеселя́тся./ Возвели́чите Го́спода со мно́ю,/ и вознесе́м И́мя Его́ вку́пе./ Взыска́х Го́спода, и услы́ша мя,/ и от всех скорбе́й мои́х изба́ви мя./ Приступи́те к Нему́, и просвети́теся,/ и ли́ца ва́ша не постыдя́тся./ Сей ни́щий воззва́, и Госпо́дь услы́ша и,/ и от всех скорбе́й его́ спасе́ и́./ Ополчи́тся А́нгел Госпо́день о́крест боя́щихся Его́,/ и изба́вит их./ Вкуси́те и ви́дите, я́ко благ Госпо́дь:/ блаже́н муж, и́же упова́ет Нань./ Бо́йтеся Го́спода, вси святи́и Его́,/ я́ко несть лише́ния боя́щимся Его́./ Бога́тии обнища́ша и взалка́ша:/ взыска́ющии же Го́спода не лиша́тся вся́каго бла́га./ Прииди́те, ча́да, послу́шайте мене́,/ стра́ху Госпо́дню научу́ вас./ Кто есть челове́к хотя́й живо́т,/ любя́й дни ви́дети бла́ги?/ Удержи́ язы́к твой от зла,/ и устне́ твои́, е́же не глаго́лати льсти./ Уклони́ся от зла и сотвори́ бла́го./ Взыщи́ ми́ра, и пожени́ и́./ О́чи Госпо́дни на пра́ведныя,/ и у́ши Его́ в моли́тву их./ Лице́ же Госпо́дне на творя́щия зла́я,/ е́же потреби́ти от земли́ па́мять их./ Воззва́ша пра́веднии, и Госпо́дь услы́ша их,/ и от всех скорбе́й их изба́ви их./ Близ Госпо́дь сокруше́нных се́рдцем,/ и смире́нныя ду́хом спасе́т./ Мно́ги ско́рби пра́ведным,/ и от всех их изба́вит я́ Госпо́дь./ Храни́т Госпо́дь вся ко́сти их,/ ни еди́на от них сокруши́тся./ Смерть гре́шников люта́,/ и ненави́дящии пра́веднаго прегреша́т./ Изба́вит Госпо́дь ду́ши раб Свои́х,/ и не прегреша́т// вси, упова́ющии на Него́.

 

Иерей:     Благослове́ние Госпо́дне на вас, Того́ благода́тию и человеколю́бием, всегда́, ны́не и при́сно, и во ве́ки веко́в.

Хор:     Ами́нь.

 

Иерей:     Сла́ва Тебе́, Христе́ Бо́же, упова́ние на́ше, сла́ва Тебе́.

Хор:     Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Го́споди, поми́луй. (Трижды) Благослови́.

 

Отпу́ст:

Иерей:     Христо́с, и́стинный Бог наш, моли́твами пречи́стыя Своея́ Ма́тере…

Многоле́тие:

Хор:     Вели́каго Господи́на и Отца́ на́шего Кири́лла,/ Святе́йшаго Патриа́рха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ настоя́теля, бра́тию и прихо́жан свята́го хра́ма сего́/ и вся правосла́вныя христиа́ны,// Го́споди, сохрани́ их на мно́гая ле́та.

 

                     По отпусте Литургии духовенство исходит к Плащанице из алтаря царскими вратами. Трижды покадив Плащаницу, при пении тропаря: «В рождестве девство сохранила еси...», «Слава, и ныне» – кондака: «В молитвах неусыпающую...» (см., например, по малом входе на Литургии), вносят ее в алтарь, полагают на престоле, и совершается каждение престола и Плащаницы. Царские врата и завеса затворяются, и Плащаница благоговейно полагается на месте ее хранения.


[1] В церковно-богослужебной практике (ср.: Розанов Н., прот. Руководство для лиц, отправляющих церковные богослужения... в Московском Кафедральном Христа Спасителя соборе и Московском Большом Успенском соборе в течение всего года... М., 1901. С. 25) в подобных случаях, а также на двунадесятые Богородичные праздники, их предпразднство, попразднство и отдание обычно поется «…молитвами Богородицы…», хотя Типикон не дает такого указания. «Припев: „Спаси ны, Сыне Божий, молитвами Богородицы, поющия Ти…” – продукт литургической самодеятельности. Его не знает ни Устав, ни литургика. Он и стилистически шероховат (слова „молитвами Богородицы” в подобных припевах стоят в начале, а после „Сыне Божий” требуется определение с артиклем ὁ). По Уставу и на праздники Богородичные положен припев „Спаси ны, Сыне Божий, во святых Дивен сый…”. По-видимому, отцы – составители Устава видели в Богородице Возглавительницу всего лика святых» (из письма проф. Д. П. Огицкого свт. Афанасию (Сахарову) от 19–22 апреля 1961 года; см.: Переписка Д. П. Огицкого с епископом Афанасием (Сахаровым) // Журнал Московской Патриархии. М., 1997. № 7. С. 71). – Богослужебные указания, сноски 1 и 2 службы 6 июля н.ст.

[2] Если служба Погребения совершается не на третий день, то читаются иные чтения дня согласно календарю.

[3] Если служба Погребения совершается не на третий день, то читаются иные чтения дня согласно календарю.

[4] Прошения и молитва о Святой Руси размещены на сайте "Новые богослужебные тексты", предназначеном для оперативной электронной публикации новых богослужебных текстов, утверждаемых для общецерковного употребления Святейшим Патриархом и Священным Синодом: http://nbt.rоp.ru/?q=tеxts/chin/634